گیا: گیا کے جذام ہسپتال میں آج باورچی خانہ کا افتتاح عمل میں لایا گیا، یہاں سے مریضوں کو مفت کھانا دیا جائے گا، مریضوں کے کھانے کی قیمت حکومت ادا کرتی ہے ، آج سول سرجن نے اسکا افتتاح کیا ہے۔
گیا ضلع میں واقع بہار کا واحد جذام ہسپتال و آشرم میں دیدی کی رسوئی ' باورچی خانہ ' شروع کیا گیا ہے ، منگل کو سول سرجن اور دیگر افسران نے فیتہ کاٹ کر اسکا باضابطہ افتتاح کیا ، اسی باورچی خانہ سے جذام کے مریضوں کو کھانا دیا جائے گا ، اس سے پہلے بھی جذام کے مریضوں کو کھانا دیا جاتا تھا۔
لیکن وہ کھانا دوسرے ہسپتال سے بن کر یہاں پہنچایا جاتا تھا ، محکمہ صحت گیا کے مطابق جذام ہسپتال میں زیر علاج مریضوں کے لیے جے پی این سے کھانا پکا کر بھیجا جاتا تھا۔ لیکن اب ضلع محکمہ صحت نے آسانی کے لیے کھانے کا انتظام آشرم میں کردیا ہے ، اس موقع پر سول سرجن رنجن سنگھ نے بتایا کہ گیا کے ہسپتالوں میں پہلے سے ہی دیدی کی رسوئی کی سروس بحال تھی۔ لیکن جذام ہسپتال و آشرم میں اسکی سہولت میسر نہیں ہونے کی وجہ سے کچھ پریشانی ہوتی تھی۔
لیکن اب وہ بھی معاملہ حل ہو چکا ہے ، یہاں جذام ہسپتال میں سو سے زیادہ مریض ہیں جنہیں کھانا فراہم کیا جائےگا۔ انہوں نے کہا کہ جویکا تنظیم کی طرف سے ہسپتالوں میں باورچی خانہ کھولا جاتا ہے ۔جس میں کام کرنے کے لیے سبھی خواتین ہوتی ہیں ، اگر دیکھا جائے تو جیویکا نے سبھی شعبہ میں خواتین کو با اختیار بنانے کے لیے خوش آئند اور مثبت پہل کی ہے۔ جسکی ستائش عالمی سطح پر بھی ہوئی ہے۔
جویکا دیدی کے باورچی خانہ کی ہسپتالوں میں موجودگی کی وجہ سے ہسپتال میں آنے والوں کو حفظان صحت کے مطابق کھانا دیا جائے گا۔
ڈی پی ایم جیویکا اچاریہ ممٹ نے بتایا کہ ضلع میں دیدی کی رسوئی جيوکا کی طرف سے چلایا جاتا ہے، جيویکا کا کھانا صحت گائیڈ لائن پر مشتمل ہوتا ہے ، مریضوں کے حق میں کون سا کھانا مفید ثابت ہو گا ،اُسی کی روشنی میں بنایا جاتا ہے ،کھانا مریضوں کو یہاں مفت دیا جاتا ہے ،پہلے ٹینڈر لینے والوں کی طرف سے کھانا پہنچایا جاتا تھا،اس موقع پر ڈی پی ایم ہیلتھ نلیش کمار بھی موجود تھے۔