بہار کے شہر گیا میں واقع معروف اقلیتی 'ادارہ مرزا غالب کالج' کے سیکریٹری اور دو اسسٹنٹ پروفیسر کے کام کاج پر ہائی کورٹ نے روک لگا دیا ہے، کورٹ نے اسسٹنٹ پروفیسر کی بحالی میں بدعنوانی اور شفافیت نہیں ہونے کے معاملے پر شنوائی کے دوران یہ ہدایت دی اور 28 تاریخ تک کالج کے سکریٹری، پرنسپل اور بحال دو اسسٹنٹ پروفیسر کو اپنا موقف بطور حلف نامہ دائر کرنے کی ہدایت دی ہے۔ Hearing in High Court on Mirza Ghalib College
اس حوالے سے پرنسپل پروفیسر سرفراز خان نے بتایا کہ گزشتہ سال 2021 میں مرزا غالب کالج کے مختلف شعبوں میں کل 20 اسسٹنٹ پروفیسر کی بحالی ہوئی تھی جس کے بعد بحالی کے عمل پر تنازعہ کھڑا ہوگیا، کیمسٹری ڈیپارٹمنٹ کی عارضی طور پر بحال پروفیسر رینا کماری نے بحالی کو چیلنج کرتے ہوئے ہائی کورٹ میں عرضی دائر کیا تھا۔
کورٹ نے بحالی کے معاملے پر کیمسٹری اور فارسی ڈیپارٹمنٹ کے اسسٹنٹ پروفیسر جن کی بحالی ہوئی تھی انہیں ڈیوٹی سے روک دیا ساتھ ہی سکریٹری شبیع عارفین شمسی کو بھی ڈیوٹی سے Restrained کردیا ہے۔
واضح رہے کہ ہائی کورٹ کی ہدایت کے بعد کالج میں نئے سکریٹری کے انتخاب کو لیکر گہماگہمی جاری ہے اور کہا جارہا ہے کہ کورٹ نے جب سکریٹری کو کام کرنے سے روک دیا ہے تو پھر کالج کا نظام کس طرح سے چلے گا؟ لہذا گورننگ باڈی کے اراکین فیصلہ لیں اور نئے سکریٹری کا انتخاب کریں۔Hearing in High Court on Mirza Ghalib College
مزید پڑھیں:
اس حوالے سے پرنسپل پروفیسر سرفراز احمد خان مزید بتاتے ہیں کہ اس مسئلے کو لیکر گورننگ باڈی کی میٹنگ صدر نے طلب کی ہے کورٹ کی ہدایت کی روشنی میں آگے تبادلہ خیال کے بعد فیصلہ لیا جائے گا البتہ پرنسپل سرفراز خان سے پوچھے جانے پر کہ " کورٹ کی ہدایت کے بعد کیا نئے سکریٹری کا انتخاب ہوگا" اس کا جواب دیتے ہوئے انہوں ٹال مٹول کردیا اور کہا کہ کمیٹی فیصلہ کرنے کے اہل ہے اکثریت کے ساتھ جو فیصلہ ہوگا؟ اس پر عمل ہوگا۔
وہیں موجودہ سکریٹری شبیع عارفین شمسی کے مطابق کورٹ نے ورک سے روکا ہے آگے سکریٹری کون ہوگا؟ کس طرح سے کام ہونگے اس پر وضاحتیں نہیں کی گئی ہے لہذا کمیٹی کو تمام پہلوؤں پر غور و فکر کرنے کی ضرورت ہے۔
