بہار میں ضلع اورنگ آباد کے مالی تھانہ علاقہ کے سوری گاؤں کے نزدیک سڑک حادثے میں محکمہ ڈاک کے برانچ پوسٹ ماسٹر منوج سنگھ کی موت ہوگئی، جبکہ ان کی اہلیہ شدید طورسے زخمی ہوگئیں۔
پولیس ذرائع نے جمعرات کو یہاں بتایا کہ نوی نگر بلاک کے سمری بھمنی پوسٹ آفس میں تعینات برانچ پوسٹ ماسٹر منوج سنگھ (45) اپنی اہلیہ کے ساتھ کل رات موٹرسائیکل سے اورنگ آباد اپنے گھر واپس جارہے تھے۔ راستے میں ایک پک اپ وین نے انہیں ٹکر مار دی۔ حادثہ میں مسڑسنگھ کی موقع پر ہی موت ہوگئی جبکہ ان کی بیوی شدید طور سے زخمی ہوگئیں۔ زخمی خاتون کو خصوصی علاج کے لئے پٹنہ میڈیکل کالج اسپتال بھیجا گیا ہے۔
حادثہ کے بعد پک اپ کا ڈرائیور گاڑی سمیت فرارہونے میں کامیاب رہا۔ اس تعلق سے تھانے میں ایک معاملہ درج کرکے لاش کو پوسٹ مارٹم کے لئے اورنگ آباد صدر اسپتال بھیج دیا گیا ہے۔
