بہار لوک سیوا آیوگ میں اہم عہدے پر رہے شیلیندر چندر دیواکر نے سب سے پہلے سبھی متعلقہ افسران و دفتر کے ملازمین کا تعارف حاصل کیا، اس کے بعد ضلع میں چل رہے ترقیاتی امور کے بابت معلومات حاصل کی اور ضروری فائلیں بھی دیکھیں.
کچھ دیر بعد ایس ڈی او نے افسران کے ساتھ ایک اہم میٹنگ طلب کی ۔جس میں ویڈیو کانفرنسگ کے ذریعہ مختلف بلاک و پنچایت کے سی او ، بی ڈی او سے وزیراعظم رہائش منصوبہ، لوہیا صفائی بہار مہم کے تحت بن رہے بیت الخلا سمیت دیگر منصوبوں کے بارے میں معلومات حاصل کی اور کئی ضروری ہدایات بھی دیں.
اس موقع پر ایس ڈی او شیلیندر چندر دیواکر نے کہا کہ ارریہ ضلع ہمارے لئے نیا نہیں ہے، یہاں آتا رہا ہوں، مگر کام کرنے کا یہ پہلا موقع ملا ہے، جسے پوری ایمانداری سے نبھاوں گا.
انہوں نے کہا کہ ہماری پہلی ترجیح ضلع میں حکومت کے ذریعہ چل رہے منصوبوں کو ہر ضرورت مند تک پہنچانا ہے تاکہ کوئی حکومت کے منصوبوں سے کوئی محروم نہ ہو، بلاک و پنچایت میں چل رہے ترقیاتی کاموں کو مزید تیزی لانے کے لئے ہرممکن کوشش کروں گا.
اس موقع پر نئے ایس ڈی او نے سابق ایس ڈی او روزی کماری کے کاموں کی تعریف کرتے ہوئے کہا کہ آپ نے جو کام چھوڑا وہاں سے آگے لے جانے کی ہماری ذمہ داری ہے.
