مالی تنگی کی وجہ سے نوجوان کی خودکشی

بہار کے شہر گیا میں ایک نوجوان نے مالی تنگی کی وجہ سے خودکشی کرلی ہے۔ لاک ڈاؤن کے بعد سے نوجوان کا کنبہ مالی تنگی کا سامنا کر رہا تھا۔ پولیس نے لاش کو قبضے میں لے کر پوسٹ مارٹم کے لیے بھیج دیا ہے۔

ریاست بہار کے ضلع گیا کے وشنوپتھ پولیس تھانہ علاقہ کے نئے روڈ علاقے کے رہائشی بٹھلا پرساد کا 35 سالہ بیٹا راجیو کمار راوت عرف بودھو نے مالی مشکلات کے سبب خودکشی کرلی۔

واقعے کی اطلاع ملنے کے بعد وشنوپتھ تھانہ کی پولیس موقع پر پہنچ کر معاملے کی تفتیش کر رہی ہے۔ اطلاعات کے مطابق پولیس نے لاش کو پوسٹ مارٹم کے لیے انوگرہ نارائن مگدھ میڈیکل کالج ہسپتال بھیج دیا ہے۔ جہاں سے پوسٹ مارٹم کے بعد لواحقین کو لاش سپرد کر دی جائے گی۔

اطلاع کے مطابق دکان بند ہونے کی وجہ سے نوجوان کے گھر میں مالی تنگی کے سبب جھگڑے ہو رہے تھے، جس سے تنگ آکر نوجوان نے خودکشی کرلی۔ نوجوان کی بیوی کے مطابق وہ لاک ڈاؤن کے کچھ دنوں بعد سے پریشان تھا۔

وشنوپتھ تھانہ انچارج ادے شنکر نے بتایا کہ نوجوان معاشی مجبوریوں اور خاندانی جھگڑے کی وجہ سے پھانسی لگا کر خودکشی کرلی۔ اہل خانہ نے تفتیش کے دوران بتایا کہ وہ مندر کے قریب مٹھائی فروخت کرتا تھا۔ لیکن لاک ڈاؤن کی وجہ سے دکان بند تھی۔ ایسی صورتحال میں معاشی مجبوریوں کی وجہ سے گھر میں جھگڑا ہو رہا تھا۔ انہوں نے بتایا کہ یو ڈی رجسٹرڈ ہو چکا ہے۔