بارہمولہ: شمالی کشمیر کے ضلع بارہمولہ کے ضلع ترقیاتی کمشنر بارہمولہ ڈاکٹر سحرش اصغر نے جمعرات کے روز ویرون پنڈت کالونی کا دورہ کیا۔ انہوں نے یہ دورہ کشمیری پنڈتوں کے خاص تہوار مہاشیو راتری کے پیش نظر کیا ہے۔ ڈی سی نے دورے کے دوران تمام افسروں کو ہدایت کی وہ پنڈتوں کے خاص تہوار کے پیش نظر تمام بنیادی سہولیات بہم رکھے تاکہ کشمیری پنڈتوں کو اس خاص موقع پر کوئی پریشانی نہ پیش آئے۔ ڈی سی نے کہا کہ بارہمولہ پنڈت کالونی میں تقریباً بیس فیملیاں رہ رہی ہے اور یہ لوگ بڑے جوش و خروش سے مہاشیوراتری کو مناتے ہے۔
انہوں نے کہا کہ پنڈت برادری کو اس تہوار کے پیش نطر تمام بنیادی ضروریات پہنچائی جائے گی جو بھی ان کو اس دن کے مناسبت سے درکار ہیں۔ڈی سی کے دورے کے ہمراہ مختلف محکموں کے افسران بھی موجود رہے۔ اس دوران محکمہ ہاٹیکلچر کے افسروں نے کہا کہ مہاشوراتری کے پیشن نظر محکمے نے پنڈت کالونی میں مختلف اسٹالز سجائے گے، جن میں اخروٹ،بادام، گری ،سیب وغیرہ دستیب رہیے گئے۔انہوں نے کہا کہ اس تہوار پر پنڈت لوگ ان چیزوں کا خاص استعمال کرتے ہیں جس کے پیش نظر ان کو یہ گھر کی دہلیز پر میسر رکھا گیا۔
مزید پڑھیں: Maha Shivratri 2023 محکمہ فشریز نے مچھلی کی خرید و فروخت کے لیے 21 مقامات کی نشاندہی کی
بتادیں کہ کشمیری پنڈتوں کے محبوب تہوار 'ہیرتھ' کی چار دنوں پر محیط روایتی تقریبات ہفتے کے روز سے شروع ہوگی۔اس تہوار کو ہندوستان، پڑوسی ممالک بشمول پاکستان میں مقیم ہندو برادری 'مہا شیوراتری' کے نام سے مناتی ہے۔ ہندو مذہب کے مطابق یہ تہوار بھگوان شیو اور دیوی پاروتی کی شادی کی خوشی میں منایا جاتا ہے۔
