گنڈ خلیل میں واٹر سپلائی اسکیم پانچ برس سے نامکمل

شمالی کشمیر کے ضلع بانڈی پورہ کے گنڈ خلیل گاؤں میں پانچ سال گزرنے کے بعد بھی واٹر سپلائی اسکیم کو شروع نہیں کیا جارہا ہے- مقامی لوگوں کے مطابق پانچ سال قبل متعلقہ واٹر سپلائی اسکیم کے لئے کام شروع کیا گیا تھا- چونکہ علاقے میں بڑے پیمانے پر پینے کے پانی کے مسائل سے لوگ دوچار ہیں تو اس وقت ایک امید کے طور اس اسکیم کو دیکھا جارہا تھا اور یہ توقعات کی جارہی تھی کہ اب علاقے میں پانی کے مسائل کا ازالہ ہوگا تاہم آج جب کہ پانچ سال بیت گئے مذکورہ واٹر سپلائی aسکیم شروع نہیں کی جارہی ہے-

مقامی لوگوں کے مطابق اس پر 90 فیصد تک کا کام مکمل ہوگیا ہے تاہم اس کے باوجود اس کو فعال نہیں بنایا جارہا ہے جس کی وجہ سے آج بھی یہاں لوگوں کو پینے کے پانی کے حوالے سے دشواریوں کا سامنا کرنا پڑ رہا ہے- ان کا کہنا تھا کہ اس کی یہ حالت بھی دن بہ دن خستہ ہوتی جارہی ہے لیکن اس اسکیم کو کارآمد بنانے کے لئے کوئی اقدام نہیں اٹھایا جارہا ہے تاکہ مقامی لوگوں کو پینے کے بہتر پانی تک رسائی حاصل ہوسکے۔