بانڈی پورہ:سوناواری کے بانیاری علاقے میں بدھ کی صبح ایک ناو لہروال پورہ نالہ میں ڈوب گئی۔ اس حادثہ کے نتیجے میں ناؤ میں سوار تین مقامی مزدور پانی میں ڈوب گئے۔ مقامی لوگوں اور پولیس نے ریسکیو آپریش شروع کر کے دو افراد کو بچایا، تاہم اس حادثہ میں ایک مقامی مزدور کی موت واقع ہوئی۔ Boat Capsized in Bandipora
پولیس اور مقامی لوگوں نے آج دوپہر لاش کو پانی سے بازیاب کیا ۔مہلوک شخص کی شناخت چالیس سالہ جاوید احمد ڈار ولد غلام محمد ڈار ساکن بانیاری شرقی کے طور پر ہوئی ہیں۔
لاش کو بازیابی کرنے کے بعد پولیس نے لاش کو سمبل ہسپتال منتقل کیا جہاں قانونی لوازمات پورے کرنے کے بعد لاش کو لواحقین کےحوالے کر دیا گیا ہے۔جوں ہی لاش کو آپنے آبائی علاقہ پہنچایا گیا تو وہاں کہرام مچ گئی۔
مزید پڑھیں: Boat Capsized in Bandipora: ناؤ الٹنے سے ایک شخص غرقاب
خیال رہے تینوں افراد مزدوری کے سلسلے میں ولر جھیل سے لکڑی لا رہے تھے اور اس دوران ان کی کشتی پانی میں ڈوب گئی۔
