در اصل شمالی کشمیر کے ضلع بانڈی پورہ کے نوگام علاقے میں طویل عرصے سے لوگوں کو پینے کے پانی کی قلت کا سامنا کرنا پڑرہا ہے مقامی لوگوں نے انتظامیہ سے جب اس سلسلے میں کئی دفعہ بات کی تو انتظامیہ کی جاب سے جل جیون مشن اسکیم کے تحت یہاں واٹر سپلائی اسکیم کو نصب کرنے کے احکام جاری ہوئے جس کے پیش نظر جل جیون محکمہ کے کئی افسران نے مقامی لوگوں کے ساتھ مل کر ایک جگہ کا تعین کیا۔
مقامی لوگوں کے مطابق اب جب کہ جگہ کا انتخاب ہوچکا ہے، تاہم میکینکل ایریگیشن اینڈ کنسٹرکشن محکمہ ( ایم آئی سی ڈی) اس جگہ پہ واٹر سپلائی اسکیم نصب کرنے کی اجازت نہیں دے رہی ہے۔ ان کے مطابق یہ زمین ان کے احاطے میں آرہی ہے اور وہ خالی نہیں کرسکتے۔'
مقامی لوگوں میں ایک بار اس سلسلے میں تشویش کی لہر دوڑ گئی ہیں اور وہ چاہتے ہیں کہ میکینکل ایریگیشن اینڈ کنسٹرکشن ڈیپارٹمنٹ اس زمین کو جل جیون مشن کو سونپ دے تاکہ علاقے کی ایک دیرینہ مانگ پوری ہو اور یہاں ایک وسیع آبادی کو پینے کے پانی کی قلت دور ہوجائے۔'
مقامی لوگوں نے بتایا کہ ان کے پاس کوئی دوسری جگہ بھی موجود نہیں ہے جہاں پہ اس واٹر سپلائی اسکیم کو نصب کیا جائے۔ ان کا مطالبہ ہے کہ یہ مسئلہ جلد ہوجائے تاکہ علاقے میں پانی کی قلت کا خاتمہ ہو۔ انہوں نے ضلع انتظامیہ بانڈی پورہ سے اپیل کی ہے کہ وہ جلد از جلد اس مسئلے کو حل کرے اور یہاں واٹر سپلائی اسکیم کو نصب کریں۔
