پہلگام: محکمہ موسمیات نے وادی کشمیر کے بالائی علاقوں میں ہلکی برفباری جبکہ کی میدانی علاقوں میں بارشوں کی پیش گوئی کی تھی۔ اسی بیچ سیاحتی مقامی پہلگام میں گزشتہ روز ہلکی برفباری ہوئی ہے۔ ہلکی برفباری سے پورا علاقہ برف کی چادر میں ڈھک گیا ہے۔ Pahalgam Receives Light Snowfall
پہلگام میں گزشتہ 24 گھنٹوں کے دوران تقربیاً 3.7 سنٹی میٹر تازہ برفباری ریکاڑد کی گئی ہے ۔ برفباری سے سردی کی لہر میں اضافہ ہوا ہے۔ پہلگام میں رات کا کم سے کم درجہ حرارت منفی 6.7 ڈگری سنٹی گریڈ ریکارڈ کیا گیا جہاں گزشتہ شب کا درجہ حرارت منفی 5.7 ڈگری سنٹی گریڈ ریکارڈ ہوا تھا۔ وہیں ہلکی برفباری سے سیاح کافی خوش نظر آئے اور اس دوران سیاحوں نے برفباری کا خوب مزہ لیا۔ Tourists Enjoy Snowfall in pahalgam
مزید پڑھیں: Kashmir Weather Update کشمیر میں زمستانی ہواؤں کا زور جاری، پہلگام سرد ترین مقام
محکمہ موسمیات کی پیش گوئی کے مطابق وادی میں 30 دسمبر تک موسم مجموعی طور پر خشک رہنے کا امکان ہے تاہم اس دوران 29 اور 30 کے درمیان بالائی کہیں کہیں ہلکی برف باری جبکہ میدانی علاقوں میں ہلکی بارشوں کا امکان ہے۔ دریں اثنا وادی میں منگل کو صبح سے ہی موسم خشک رہا اور ہلکی دھوپ بھی چھائی رہی۔ خیال رہے کہ وادی میں شہنشاہ زمستان سے مشہور چالیس روزہ چلہ کلان برسر اقتدار ہے اس کا دور حکومت 21 دسمبر سے شروع ہوکر 31 جنوری کو اختتام پذیر ہوجاتا ہے۔ Weather Update Kashmir
