جنوبی ضلع اننت ناگ کے حلقہ انتخاب بجبہاڑہ سے صرف ڈیڈھ کلو میٹر کی دوری پر واقع کتری ٹینگ نامی علاقے کے لوگ سڑک کی خستہ حالت کو لیکر کافی پریشان ہیں۔
مقامی لوگوں نے محکمہ آر-اینڈ-بی پر الزام عائد کرتے ہوئے کہا کہ سڑک کی تعمیر و تجدید کو لیکر اُنہوں نے کئی بار محکمہ کے دروازے کھٹکھٹائے۔ اس کے باوجود بھی آج تک سڑک کی مرمت عمل میں نہیں لائی گئی۔
مقامی لوگوں کا کہنا ہے 'اس ترقیاتی یافتہ دور میں بھی سڑک کی طرف کوئی دھیان نہیں دیا گیا اور اگر اس سڑک کی مرمت بھی کی جائے گی تو علاقے میں ناقص ڈرینیج کی وجہ سے سڑک پھر سےاکھڑ کر خستہ حالی کی شکار ہو سکتی ہے'۔
اس خستہ حال سڑک کی وجہ سے برفیلے ایام میں لوگ گھروں میں ہی محصور ہو کر رہ جاتے ہیں۔ جبکہ کئی بار بیماروں کو اسپتال تک پہنچانے کیلئے بہت دشواریوں کا سامنا کرنا پڑتا ہے۔
جہاں اس ترقی یافتہ دور میں ریاستی انتظامیہ لوگوں کو تمام تر بنیادی سہولیات بہم رکھنے کے بڑے بڑے دعوے کر رہا ہے تاہم اکسیویں صدی میں بھی کئی علاقوں میں سڑکوں کی خستہ حالت اُن تمام دعوﺅں کی پول کھول رہی ہے۔
مقامی لوگوں نے ای ٹی وی بھارت کے نمائدہ سے بات کرتے ہوئے کہا 'اگرچہ انہوں نے اس معاملے کو لیکر کئی مرتبہ متعلقہ حکام کو بھی آگاہ کیا تھا۔ تاہم انہوں نے آج تک اس کی طرف کوئی توجہ نہیں دی جس کے نتیجے میں لوگ پریشانیوں میں مبتلا ہو چکے ہیں'۔
یہ بھی پڑھیے
'فاروق عبداللہ دن میں خواب دیکھ رہے ہیں'
اس سلسلے میں جب نمائندہ نے فون پر محکمہ آر اینڈ بی کے اسسٹنٹ ایکزیکیوٹو انجینئر عبدل قیوم مٙلک سے بات کی تو اُنہوں نے لوگوں کے مطالبات زہن میں رکھ کر کہا کہ مزکورہ علاقے کے لوگ ضلع ترقیاتی کمشنر کے آفس میں ایک عرضی نامہ درج کریں'۔
کتری ٹنگ کے لوگوں نے ایک بار پھر مطالبہ کیا ہے کہ سڑک کی مرمت جلد عمل میں لائی جائے تاکہ لوگوں کی مشکلات کا ازالہ ہو سکے۔
