کوکرناگ: قریب 20کنال جنگلی اراضی پر سے قبضہ ہٹایا گیا

محکمہ جنگلات نے ناجائز طور پر قبضہ میں لی گئی جنگل اراضی پر سے قبضہ ہٹانے کے لئے جنوبی کشمیر کے ڈکسم، کوکرناگ مہم شروع کی اور تقریباً ایک ہیکٹئر اراضی کو بازیاب کیا۔

جنوبی کشمیر کے اننت ناگ ضلع کے ڈکسم، کوکرناگ میں محکمہ جنگلات کے اہلکاروں نے ناجائز طور پر قبضہ میں لی گئی جنگلی اراضی پر قبضہ ہٹانے کے لئے ایک خصوصی مہم چلائی۔

محکمہ جنگلات کے اہلکاروں نے ڈکسم رینج کے وائلو، اہلن علاقہ کے کمپارٹمینٹ نمبر 80 میں تجازوات کے خلاف کارروائی کرتے ہوئے قریب 20 کنال جنگلی اراضی کو بازیاب کیا۔

محکمہ جنگلات کے اہلکاروں نے کہا کہ تجاوزات کے خلاف آئندہ بھی اسی طرح کی کارروائی انجام دی جائے گی۔