دوحہ: قطر میں کھیلے گئے ورلڈ کپ میں ارجنٹائن نے فرانس کو شکست دے کر تیسری بار ٹائٹل اپنے نام کیا اور فرانس کے مسلسل دو بار چیمپئن بننے کا خواب چکنا چور کر دیا، شکست کے ساتھ فرانسیسی ٹیم کے ہاتھ رنر اپ کا ٹائٹل ہی لگا۔ دوسری جانب کروشیا کی ٹیم نے مراکش کو شکست دے کر تیسری پوزیشن حاصل کی، جب کہ تاریخ ساز مراکش کو پہلی بار سیمی فائنل میں پہنچنے کے بعد چوتھی پوزیشن سے مطمئن ہونا پڑا۔
- ارجنٹائن اور فرانس کے درمیان ہونے والے فائنل میں 6 گول ہونے کے بعد معلوم ہوا ہے کہ قطر ورلڈ کپ 2022 میں گول کرنے کے معاملے میں ایک نیا ریکارڈ بنا دیا ہے۔ یہ اب تک کا سب سے زیادہ گول کرنے والا ٹورنامنٹ بن گیا ہے۔ خبر رساں ادارے شنہوا کی رپورٹ کے مطابق اتوار کو 6 گول کرنے کے بعد 2022 فیفا ورلڈ کپ میں کیے گئے گولز کی تعداد 172 ہو گئی ہے، جب کہ اب تک سب سے زیادہ گول سنہ 1998 اور 2014 فیفا کے دوران کیے گئے تھے۔ اس بار قطر نے ایک گول زیادہ کرکے یہ ریکارڈ اپنے نام کر لیا ہے۔
- اس کے ساتھ اس ورلڈ کپ میں کئی یادگار لمحات بھی رہے۔ اسپین کے گاوی کو فیفا ورلڈ کپ میں سب سے کم عمری میں گول کرنے والے کھلاڑی کے طور پر یاد رکھا جائے گا۔ گاوی نے 18 برس اور 109 دن میں گول کر کے یہ ریکارڈ بنایا۔ اس کے ساتھ ہی پرتگال کے پیپے کو سب سے معمر گول کرنے والے کھلاڑی کے طور پر یاد رکھا جائے گا، انہوں نے 39 برس 283 دن میں گول کر کے ریکارڈ اپنے نام کر لیا ہے۔اسپین کھلاڑی گاوی
- اس کے علاوہ کینیڈین کھلاڑی الفانسو ڈیوس نے کروشیا کے خلاف 2 منٹ میں ٹورنامنٹ کا تیز ترین گول کیا۔ وہ اس فیفا ورلڈ کپ کے تیز ترین گول کرنے والے کھلاڑی بن گئے۔ اسی دوران میچ کے آخری لمحات میں کروشیا کے برونو پیٹکووچ نے 117ویں منٹ میں برازیل کے خلاف گول کر کے میچ کے آخری لمحات میں گول کرنے والے کھلاڑی بن گئے۔کینیڈین کھلاڑی الفانسو ڈیوس
- میسی نے قطر فیفا ورلڈ کپ میں سب سے زیادہ چار بار مین آف دی میچ کا خطاب حاصل کیا، جب کہ ایمباپے کو تین بار مین آف دی میچ کا خطاب ملا۔لیونل میسی
- فیفا ورلڈ کپ میں کھیلنے والی 5 ٹیمیں صرف ایک گول کرنے میں کامیاب رہیں۔ ان ٹیموں میں ڈنمارک، ویلز، قطر، تیونس اور بیلجیم کی ٹیمیں شامل تھیں۔
- مراکش کی ٹیم اس ٹورنامنٹ میں 4 میچوں میں ایک بھی گول نہ کھانے کا ریکارڈ اپنے نام کرلیا۔ اس کے ساتھ ہی کوسٹاریکا نے تین میچوں میں سب سے زیادہ 11 گول کیے۔مراکش کی ٹیم
- اس ورلڈ کپ میں ایک گول کر کے کرسٹیانو رونالڈو مسلسل 5 ورلڈ کپ میں گول کرنے والے دنیا کے پہلے فٹ بالر بن گئے۔
- اسپین نے اس ورلڈ کپ میں سب سے بڑی جیت درج کی۔ اسپین نے کوسٹاریکا کو 7-0 سے شکست دی۔
- فیفا ورلڈ کپ میں 29 دن تک جاری رہنے والے اس کھیل کے عظیم میلا میں کل 64 میچوں میں 172 گول کیے گئے۔ اس دوران کل 20 پینلٹی ککس موصول ہوئیں جن میں سے 14 گول اسکور ہوئے۔ میسی سب سے زیادہ پینلٹی ککس لگانے والے کھلاڑی بن گئے۔ انہوں نے پینلٹی ککس سے کل 3 گول کیے۔
- Mbappe نے فائنل میچ میں ہیٹ ٹرک کر کے یہ کارنامہ انجام دیا۔ وہ فائنل میچ میں لگاتار تین گول کرنے والے دنیا کے دوسرے کھلاڑی بن گئے۔ اس سے قبل 1966 میں جیوف ہرسٹ نے انگلینڈ کے لیے یہ کارنامہ انجام دیا تھا۔ اس کے بعد Kylian Mbappé نے ورلڈ کپ فائنل میں ہیٹ ٹرک کرنے والے دنیا کے دوسرے کھلاڑی بن کر تاریخ رقم کی۔ایمباپے
- ایک اندازے کے مطابق 2026 کے فیفا ورلڈ کپ میں کئی ریکارڈ ٹوٹ جائیں گے، کیونکہ ورلڈ کپ میں کل 48 ٹیمیں کھیلیں گی۔ اس دوران کم از کم 80 میچ کھیلے جائیں گے۔
