بھارتی جونیئر ویمن ہاکی ٹیم نے ایک گول سے پیچھے رہنے کے باوجود چلی کی مضبوط سینئر ٹیم کو 2۔3 کی حیران کن شکست سے دوچار کیا۔ بھارت کے لیے 39 ویں منٹ میں دیپیکا، 45 ویں منٹ میں سنگیتا کماری اور 47 ویں منٹ میں لال رنڈیکی نے گول کئے۔
قبل ازیں مقابلہ کے آغاز پر ہی چلی کی ٹیم نے 21 ویں منٹ میں فرنانڈا ویلاگرین کے گول کی بدولت سبقت حاصل کرلی تھی تاہم درمیانی مرحلوں میں بھارتی کھلاڑیوں نے یکے بعد دیگرے 3 گول کرتے ہوئے نہ صرف چلی کی برتری کو ختم کیا بلکہ مقابلہ پر سبقت حاصل کرلی۔
دوسری جانب چلی نے شکست کے فرق کو اُس وقت کم کیا جب سیمون ایویلی نے 56 ویں منٹ میں گول کیا۔ لیکن یہ گول بھارتی جونیئر ہاکی ٹیم کو شکست نہ دے سکی۔
واضح رہے کہ بھارتی ٹیم کی یہ متواتر تیسری کامیابی ہے، جیسا کہ اس نے رواں ہفتہ چلی کے دورہ پر دو مرتبہ جونیئر ٹیم کو بھی شکست دی ہے۔ اس سے پہلے بھارتی ٹیم نے بھی مقابلہ کا آغاز جارحانہ انداز میں کیا اور 10 ویں منٹ میں اسے پینالٹی کارنر ملا، تاہم ٹیم اس پر گول نہ بناسکی۔
