دھونی نے یہ بھی کہا کہ ابھی ٹورنامنٹ شروع ہونے میں کافی وقت ہے اس لئے وہ جلدبازی میں فیصلہ نہیں کریں گے۔
دھونی نے چنئی میں سی ایس کے چوتھے خطاب کی جیت کی خوشی میں منعقدایک پروگرام کے دوران کہا کہ ’’ میں اس بارے میں سوچوں گا، ابھی کافی وقت ہے، فی الحال ہم نومبر میں ہیں۔ آئی پی ایل 2022 اپریل میں کھیلا جائے گا۔
یہ بھی پڑھیں:
ٹیم انڈیا نیوزی لینڈ کو کلین سوئپ کرنے اترے گی
دھونی کی قیادت میں سی ایس کے نے متحدہ عرب امارات میں چوتھی بار آئی پی ایل ٹرافی جیتی تھی ۔ ٹورنامنٹ کے دوران جب دھونی سے اگلے سیزن میں کھیلنے سے متعلق سوال پوچھا گیا تو انہوں نے کوئی واضح جواب نہیں دیا لیکن وعدہ کیا کہ وہ اگلے سال بھی پیلی جرسی میں ہی نظر آئیں گے۔
واضح رہے کہ آئی پی ایل سیزن میں دو نئی ٹیمیں شامل ہونے والی ہیں اور اس کے لئے ایک بڑی نیلامی کا انعقاد کیا جائے گا۔ نیلامی سے پہلے سبھی آٹھ ٹیموں کو چار کھلاڑیوں کو ری ٹین کرنے کی اجازت دی جائے گی ۔
یو این آئی۔
