ویسٹ انڈیز کے خلاف جاری ٹی 20 سیریز کے دوسرے میچ میں کیوی بلے باز گلین فلپس نے 51 گیندوں میں 10 چوکوں اور 8 چھکوں کی مدد سے 108 رنز کی اننگ کھیلی، انہوں نے محض 46 گیندوں میں اپنی سنچری مکمل کی تھی۔
اس طرح فلپس نیوزی لینڈ کی جانب سے سب سے تیز انٹرنیشنل ٹی 20 سنچری بنانے والے بلے باز بن گئے ہیں، اس سے قبل یہ ریکارڈ کولن مُنرو کے نام تھا جنہوں ویسٹ انڈیز کے ہی خلاف اسی میدان پر 47 گیندوں میں سنچری بنائی تھی لیکن گلین فلپس نے ان سے ایک گیند کم کھیل کر یہ ریکارڈ اپنے نام کر لیا۔
فِلپس کی جارحانہ بلے بازی کی بدولت نیوزی لینڈ نے مقررہ 20 اوورز میں 3 وکٹوں کے نقصان پر 238 رنز کا ہمالیائی اسکور بنایا تھا۔
نیوزی لینڈ کے اس بڑے اسکور کے جواب میں کیریبیئن ٹیم 9 وکٹوں پر 166 رنز ہی بنا سکی اور 72 رنز سے میچ ہار گئی۔
چہل نےسب سے زیادہ رن دینے میں اپنا ہی ریکارڈ توڑا
واضح رہے کہ انٹرنیشنل ٹی 20 کرکٹ میں سب سے تیز سنچری بنانے کا ریکارڈ ساؤتھ افریقہ کے ڈیوڈ مِلر اور بھارت کے روہت شرما کے نام ہے جنہوں نے 35 گیندوں میں سنچری بنائی تھی۔
ڈیوڈ مِلر نے سنہ 2017 میں بنگلہ دیش کے خلاف جبکہ روہت شرما نے بھی سنہ 2017 میں سری لنکا کے خلاف یہ ریکارڈ بنایا تھا۔
