افغانستان اور آئرلینڈ کے مابین سیریز کا شیڈول دوبارہ ترتیب دیا گیا ہے۔ جس کے تحت دونوں ٹیموں کے درمیان تین ایک روزہ میچوں کی سیریز کھیلی جائے گی۔ یہ سیریز پہلے 18 جنوری سے منعقد کی جا رہی تھی، لیکن اب یہ سیریز 21 جنوری سے کھیلی جائے گی۔
یہ سیریز دنیا کی 10 ویں اور 11 ویں نمبر کی ون ڈے ٹیموں کے درمیان ورلڈ کپ سوپر لیگ کا حصہ بنے گی۔ تینوں میچ ابوظہبی کے شیخ زائد اسٹیڈیم میں ہوں گے۔ دوسرا ون ڈے 24 جنوری کو ہوگا اور آخری ون ڈے 26 جنوری کو منعقد کیا جائے گا۔
آئرلینڈ کرکٹ کے ہائی پرفارمینس ڈائریکٹر رچرڈ ہولڈس ورتھ نے کہا ہے کہ افغانستان کرکٹ بورڈ نے تاریخوں میں تبدیلی کی درخواست کی تھی تاکہ قرنطینہ یعنی کورونا کے سبب کورنٹائن قوانین پر عمل کیا جاسکے۔
آپ کو بتادیں کہ افغان ٹیم کے خلاف ون ڈے سیریز سے قبل آئرلینڈ متحدہ عرب امارات کی کرکٹ ٹیم کے خلاف چار ون ڈے میچوں کی سیریز کھیلے گا۔ یہ میچ 8 جنوری سے 14 جنوری تک ہوں گے۔
