کورونا وائرس کے درمیان احتیاطی تدابیر کے تحت دنیا بھر میں کھیل کے مقابلوں کا آغاز کردیا گیا ہے۔ تاہم کچھ ممالک اب بھی ڈر و خوف میں مبتلا ہیں اور احتیاطی تدابیر کے تحت کھیلنے سے احتیاط کررہے ہیں۔ کرکٹ آسٹریلیا کی جانب سے اپنے آفیشیل سماجی رابطے کی ویب سائٹ ٹوئٹر اکاؤنٹ پر ایک ٹوئٹ کے ذریعے دورہ افریقہ کے ملتوی کرنے کا اعلان کیا گیا ہے۔
کرکٹ آسٹریلیا کی جانب سے اپنے مؤقف میں کہا گیا ہے کہ کورونا وائرس کی وجہ سے افریقہ کا دورہ ملتوی کرنے کے علاوہ اُن کے پاس اور کوئی دوسرا راستہ نہیں تھا۔
آپ کو یاد دلادیں کہ جنوبی افریقہ کی ٹیم پاکستان کے ساتھ کرکٹ میچز کھیلنے کے لیے اس وقت راولپنڈی میں موجود ہے، جہاں اس کے کھلاڑیوں کی پریکٹس جاری ہے اور پنڈی کرکٹ اسٹیڈیم میں پاکستان اور جنوبی افریقہ کی ٹیمیں دوسرے پریکٹس سیشن میں مصروف ہیں۔
واضح رہے کہ پاکستان نے دو ٹیسٹ میچوں کی سیریز کے پہلے کرکٹ میچ میں جنوبی افریقہ کو سات وکٹوں سے شکست دے کر دو ٹیسٹ میچز کی سیریز میں برتری حاصل کر رکھی ہے۔
