آئی سی سی مینز ٹی ٹوئنٹی ورلڈکپ کے سپر 12 مرحلے کے دوسرے میچ میں انگلینڈ نے ویسٹ اینڈیز کے خلاف ٹاس جیت کر فیلڈنگ کا فیصلہ کیا ہے جو درست ثابت ہوا۔ انگلینڈ نے اپنی حریف ٹیم کو محض 55 رنز پر ہی آل آؤٹ کردیا۔ ویسٹ اینڈیز کی جانب سے صرف ایک کھلاڑی کو چھوڑ کر کسی بھی کھلاڑی نے دہائی کا عدد نہیں کراس کرسکے۔
میچ کے دوسرے ہی اوور میں کرس ووکس نے ایون لوئس کو چلتا کردیا جبکہ اگلے ہی اوور میں معین علی نے لینڈل سمنز کی اننگز کا خاتمہ کردیا۔ کرس گیل اور شیمرون ہٹمائر نے نے 18 رنز جوڑ کر اسکور کو 27 تک پہنچایا ہی تھا کہ معین نے ہٹمائر کی اننگز کا خاتمہ کردیا۔
ابھی ویسٹ انڈین ٹیم اس نقصان سے سنبھلی بھی نہ تھی کہ ٹائمل ملز نے کرس گیل کی 13 رنز کی اننگز کا خاتمہ کردیا۔ اس کے بعد ڈیوین براوو کو کرس جورڈن کو اپنا وکٹ دے بیٹھے جبکہ نکولس پوران بھی صرف ایک رن بنا سکے۔ آل راؤنڈر آندرے رسل بھی مشکل وقت میں ٹیم کے کام نہ آ سکے اور عادل رشید کی وکٹ بن گئے جبکہ چھکا مارنے کی کوشش میں پولارڈ بھی چلتے بنے۔
انگلینڈ کی جانب سے عادل رشید سب سے کامیاب گیندباز رہے انھوں 2.2 اوورز میں 2 رنز دے کر 4 وکٹ حاصل کیے اس کے علاوہ معین علی نے 2، ٹائمل ملز نے 2، کرس جورڈن اور کرس ووکس نے ایک ایک وکٹ لی۔
اس سے قبل اسی گروپ کے پہلے میچ میں آسٹریلیا نے جنوبی افریقہ کو دلچسپ مقابلے کے بعد 5 وکٹوں سے شکست دی تھی۔
دونوں ٹیمیں ان کھلاڑیوں پر مشتمل ہیں:
ویسٹ انڈیز: کیرن پولارڈ (کپتان)، لینڈل سمنز، ایون لوئس، کرس گیل، شمرون ہٹمائر، نکولس پوران، آندرے رسل، ڈیوین براوو، عقین حسین، اوبید میک کوئے، روی رامپال۔
انگلینڈ: اوئن مورگن(کپتان)، جوز بٹلر، جیسن روئے، ڈیوڈ ملان، جونی بیئراسٹو، لیام لیونگسٹن، معین علی، کرس ووکس، کرس جورڈن، عادل رشید، ٹائمل ملز
