اتر پردیش کے وزیر اعلیٰ یوگی آدتیہ ناتھ شاید محکمہ پولیس کو دوبارہ پٹری پر لانے کی کوشش کر رہے ہیں لیکن پولیس ان کے دعوؤں کو سبوتاژ کرنے میں کوئی کسر نہیں چھوڑی ہے۔
اتر پردیش پولیس کی ناکامی ظاہر کرنے والا ایک واقعہ رائے بریلی ضلع میں دیکھنے کو ملا جہاں ایک کنبہ پولیس اسٹیشن میں انصاف نہ ملنے کے سبب ڈسٹرکٹ مجسٹریٹ کے دفتر کے باہر دھرنے پر بیٹھنے کو مجبور ہیں۔
ڈی ایم آفس کے باہر بدمعاشوں سے تنگ ایک خاندان دھرنا دے کر انصاف کا مطالبہ کررہا ہے اور کہہ رہا ہے کہ اگر انہیں انصاف نہیں ملا تو وہ خودکشی کر لیں گے۔
معاملہ تھانہ اونچاہار شہر کے بھاوی گاؤں کا ہے جہاں ایک شخص کو اس کے اپنے کنبے کے لوگ اسے آبائی زمین کے معاملے میں قتل کرنے کی دھمکیاں دیتے رہتے ہیں۔
صرف اتنا ہی نہیں اس نے متاثرہ افراد کے اہل خانہ کو بھی زدوکوب کیا اور انہیں گاؤں سے بھگا دیا۔ جس کے بعد وہ گزشتہ دنوں سے اپنے ایک دیگر رشتہ کے گھر پر رہنے کو مجبور ہیں۔
جمعرات کے روز متاثرہ افراد کے کنبہ کے 9 افراد جن میں 4 خواتین اور بچے شامل ہیں ضلعی دفتر کے باہر دھرنا دینے کے لئے پہنچے۔
متاثرہ مہابلی کا کہنا ہے کہ اگر انہیں یہاں سے بھی انصاف نہیں ملا تو وہ سب ڈی ایم آفس کے باہر ہی خودکشی کرلیں گے۔
