معرف ہریانوی باکسر اور ارجن اوارڈ یافتہ جئے بھگوان ان دنوں ایک بڑی مصیبت میں پھنس گئے ہیں کیونکہ ان پر ہوٹل مینیجر کے ساتھ مارپیٹ کرنے کا الزام عائد کیا گیا ہے، پولیس نے ان کے خلاف فوری ایکشن لیتے ہوئے انھیں ڈی ایس پی ہیڈ کوارٹر طلب کیا ہے۔
جئے بھگوان دو بار ایشین چیمپین شپ کا خطاب جیت چکے ہیں، انھوں نے سنہ 2010 میں دولت مشترکہ کھیلوں میں بھارت کے لیے کانسے کا تمغہ حاصل کیا تھا اور انھیں اسپورٹس کوٹہ کے تحت انسپیکٹر کا عہدہ دیا گیا تھا۔
ہوٹل مینیجر نے ان پر مارپیٹ کرنے اور خاکی کا رعب دکھانے کا الزام عائد کیا ہے، متاثر مینیجر نے اپنی شکایت میں یہ لکھایا تھا کہ ' جئے بھگوان ایک خاتون کے ساتھ ہوٹل میں کمرہ بک کرنے کے لیے آئے تھے، لیکن جب مینیجر نے جئے بھگوان کا آئی ڈی کارڈ مانگا تو وہ بھڑک گئے اور انھوں نے مینیجر کے ساتھ مارپیٹ کی۔
اس معاملے میں ڈی ایس پی چودھری کا کہنا ہے کہ ' فی الحال جئے بھگوان کو لائن حاضر کر تحقیقات کا حکم دے دیا گیا ہے، ہوٹل کے سی سی ٹی وی فوٹیج کی بنیاد پر تحقیقات کی جارہی ہے۔
