اسلام آباد: اسلام آباد ہائی کورٹ نے توشہ خانہ معاملے میں سابق وزیر اعظم عمران خان کے خلاف وارنٹ گرفتاری کو معطل کرتے ہوئے انھیں 13 مارچ کو سیشن عدالت میں پیش ہونے کا حکم دیا ہے۔اس سے قبل توشہ خانہ کیس میں سیشن کورٹ کے حکم کو چیلنج کرنے والی پاکستان تحریک انصاف (پی ٹی آئی) کی درخواست پر اسلام آباد ہائی کورٹ نے منگل کو اپنا فیصلہ محفوظ کرلیا تھا۔ ایڈیشنل سیشن جج ظفر اقبال نے کل توشہ خانہ معاملے میں گزشتہ ماہ جاری کیے گئے وارنٹ کو معطل کرنے کی درخواست کو مسترد کر دیا کیونکہ سابق وزیر اعظم عمران خان کیس کی سماعت سے اکثر غیر حاضر رہتے تھے۔ پی ٹی آئی چیئرمین کے وکیل ایڈووکیٹ علی بخاری نے عدالت سے کیس کی سماعت آج کرنے کی استدعا کی جسے منظور کرلیا گیا۔
درخواست میں کہا گیا کہ ٹرائل کورٹ کا حکم حقائق اور قانون کے منافی ہے اور ہر کیس کو اس کے منفرد حالات میں دیکھنا ہوگا۔ یہ بھی عرض کیا گیا ہے کہ حکم کی وجہ سے درخواست گزار کی آزادی بری طرح متاثر ہوئی ہے۔ درخواست میں کہا گیا ہے کہ سپریم کورٹ نے متعدد حالیہ فیصلوں کے ذریعے قانون کی تشریح ملزمان کے حق میں کی اور کیس کے حالات کے مطابق جدید تکنیک اپنائی جبکہ ٹرائل کورٹ کی جانب سے قانون میں ترامیم کو نظر انداز کرتے ہوئے احکامات جاری کیے گئے۔دریں اثنا، لاہور ہائی کورٹ نے پاکستان مسلم لیگ نواز (پی ایم ایل این) کی چیف آرگنائزر مریم نواز کے خلاف توہین عدالت کی درخواست کے قابلِ سماعت ہونے پر بھی فیصلہ محفوظ کر لیا ہے۔
یواین آئی
