ایران تیسرا عرب ملک بن گیا ہے جس نے بی جے پی رہنماؤں نپور شرما اور نوین کمار جندال کے پیغمبر اسلامﷺ کے خلاف متنازع بیانات پر ہندوستانی سفیر کو طلب کیا ہے۔ اس سے قبل قطر اور کویت نے بھی ہندوستانی سفیروں کو طلب کیا اور بی جے پی لیڈروں کے متنازع تبصروں کے خلاف سخت احتجاج درج کرایا۔ کویت کے نائب وزیر خارجہ برائے ایشیا نے بی جے پی رہنماؤں کی طرف سے دیے گئے "بدسلوکی بیانات" پر احتجاج کا ایک نوٹ سونپا۔
بھارت میں پیغمبر اسلامﷺ پر متنازع بیان کے حوالے سے قطر کی وزارت خارجہ کی جانب سے ایک بیان جاری کیا گیا اور بھارتی سفیر کو بھی طلب کیا۔ Qatar Summons Indian Envoy اس پیش رفت پر دوحہ میں بھارتی سفارت خانے کی جانب سے ایک بیان جاری کیا گیا ہے جس میں کہا گیا ہے کہ قطر کی جانب سے قابل اعتراض ٹویٹس پر تشویش کا اظہار کیا گیا ہے۔ جس کے جواب میں بھارت کی جانب سے واضح کیا گیا ہے کہ یہ ٹویٹس حکومت ہند کے خیالات کی عکاسی نہیں کرتے۔ حکومت ہند تنوع میں اتحاد کی مضبوط ثقافتی روایات کے مطابق تمام مذاہب کا سب سے زیادہ احترام کرتی ہے۔ توہین آمیز ریمارکس کرنے والوں کے خلاف پہلے ہی سخت کارروائی کی جا چکی ہے۔ بھارت کی جانب سے کہا گیا ہے کہ ہمیں ایسے شرپسند عناصر کے خلاف مل کر کام کرنا چاہیے، جن کا مقصد ہمارے دو طرفہ تعلقات کی مضبوطی کو کم کرنا ہے۔
غور طلب ہے کہ ہفتہ کو ہی بھارت کے نائب صدر ایم وینکیا نائیڈو قطر پہنچے ہیں۔ اتوار کو انہوں نے یہاں قطر کے وزیر اعظم اور وزیر داخلہ شیخ خالد بن خلیفہ بن عبدالعزیز الثانی سے ملاقات کی۔اور دونوں رہنماؤں نے وفود کی سطح پر بات چیت کی اور تجارت، سرمایہ کاری، اقتصادی اور سیکورٹی تعاون سمیت دو طرفہ تعلقات کا جائزہ لیا۔نائیڈو کا ہفتہ کو قطر پہنچنے پر دوحہ ہوائی اڈے پر ان کا رسمی استقبال کیا گیا اور انہیں گارڈ آف آنر پیش کیا گیا۔ نائب صدر 30 مئی سے 7 جون تک اپنے تین ملکی دورے کے آخری مرحلے میں عرب ملک پہنچے ہیں۔
یہ بھی پڑھیں:
BJP suspends Nupur Sharma: پیغمبر اسلام کی شان میں گستاخی، نپور شرما پارٹی سے معطل
