وزیر اعظم نریندر مودی پیر کو کواڈ لیڈروں کی چوٹی سمٹ میں شرکت کے لیے دو روزہ دورے پر جاپان پہنچے جس کا مقصد بااثر گروپ کے رکن ممالک کے درمیان تعاون کو مزید تقویت دینا اور ہند-بحرالکاہل خطے میں ہونے والی پیش رفت پر تبادلہ خیال کرنا ہے۔ مودی نے جاپانی اور انگریزی دونوں زبانوں میں ٹویٹ کیا، "ٹوکیو میں اترا۔ اس دورے کے دوران مختلف پروگراموں میں حصہ لیں گے جن میں کواڈ سمٹ، ساتھی کواڈ لیڈروں سے ملاقاتیں، جاپانی کاروباری رہنماؤں اور متحرک بھارتی باشندوں سے بات چیت ہوگی۔"
وزارت خارجہ کے ترجمان ارندم باغچی نے ٹویٹ کیا کہ وزیر اعظم مودی کا ٹوکیو میں پُرتپاک استقبال کیا گیا جو پچھلے 8 برسوں میں جاپان کا ان کا پانچواں دورہ ہے،" ۔وزیر اعظم مودی نے ٹوکیو میں ہوٹل کے باہر بچوں سے بات چیت کی۔ وزیراعظم نے بچوں کے ساتھ بات چیت کے دوران ایک لڑکی کی ڈرائنگ بھی دیکھی اور اسے آٹوگراف بھی دیا۔ اس کے بعد انھوں نے ایک لڑکے کے ساتھ بات چیت کی جو ترنگے کے ساتھ وزیراعظم کا انتظار کر رہا تھا۔ وزیر اعظم مودی نے ان سے پوچھا کہ آپ نے ہندی کہاں سے سیکھی اور اس کی زبان میں روانی کے لیے بچے کی تعریف کی۔
یہ بھی پڑھیں: PM Modi leaves for Tokyo: وزیراعظم مودی کواڈ سمٹ میں شرکت کے لیے ٹوکیو روانہ
جاپان کی ہندوستانی برادری نے مختلف شعبوں میں نمایاں خدمات انجام دی ہیں۔ وہ ہندوستان میں بھی اپنی جڑوں سے جڑے ہوئے ہیں۔وزیر اعظم مودی نے کمیونٹی کے ساتھ بات چیت کے بعد ٹویٹر پر کہا کہ میں پرتپاک استقبال کے لیے جاپان میں بھارتی باشندوں کا شکریہ ادا کرتا ہوں۔مودی کے علاوہ 24 مئی کو ٹوکیو میں ہونے والی کواڈ سمٹ میں امریکی صدر جو بائیڈن، جاپانی وزیر اعظم فومیو کشیدا اور آسٹریلیا کے نو منتخب وزیر اعظم اینتھونی البانیز بھی شرکت کریں گے۔
