Imran Khan Arrested عمران خان کو تین سال کی سزا، زمان پارک سے گرفتار

پاکستان کے سابق وزیراعظم اور پاکستان تحریک انصاف (پی ٹی آئی) کے چیئرمین عمران خان کو توشہ خانہ کیس میں تین سال کی سزا سنائی گئی ہے۔ انہیں لاہور کے زمان پارک سے گرفتار کر لیا گیا ہے۔ وہیں پاکستانی الیکشن کمیشن کا کہنا ہے کہ وہ اس سزا کے بعد پانچ سال تک الیکشن نہیں لڑ سکتے۔ Toshakhana Case

اسلام آباد: اسلام آباد کی عدالت نے توشہ خانہ معاملے میں پاکستان کے سابق وزیراعظم عمران خان کو تین سال قید کی سزا سنائی ہے۔ قابل ذکر ہے کہ ابھی حال ہی میں پاکستان کے وزیر اعلیٰ شہباز شریف نے پارلیمانی انتخابات کے لیے جنرل اسمبلی کو تحلیل کرنے کی تاریخ کا اعلان کیا۔ اس اعلان کے چند دنوں کے بعد ہی اسلام آباد کی ضلع عدالت نے عمران خان کو تین سال کی سزا سنا دی ہے۔

اسلام آباد کی ضلع عدالت کے جج ہمایوں دلاور نے توشہ خانہ معاملے میں سابق وزیر اعظم عمران خان پر لگے الزامات کو درست قرار دیا اور ان کو تین سال قید اور ایک لاکھ جرمانے کی سزا سنائی۔ جج ہمایوں دلاور نے عمران خان کو غلط عمل کا مرتکب قرار دیا۔

وہیں پاکستانی الیکشن کمیشن کے وکیل امجد پرویز نے اس سزا پر رد عمل دیتے ہوئے کہا کہ عدالت کے اس فیصلے کے بعد سابق وزیر اعظم پانچ سال تک الیکشن نہیں لڑ سکتے۔ وہ قانونی طور پر انتخابات کے لیے پانچ برس تک نا اہل قرار پائیں گے۔

وہیں تازہ جانکاری کے مطابق سزا کے اعلان کے بعد عمران خان کو لاہور کے زمان پارک میں واقع ان کے گھر سے گرفتار کر لیا گیا ہے۔ واضح رہے کہ اس سے قبل نو مئی کو سابق وزیر اعظم کی گرفتاری کے بعد پاکستان کے مختلف علاقوں میں بڑے پیمانے پر فسادات پھوٹ پڑے تھے جن میں متعدد افراد ہلاک ہو گئے تھے۔ تازہ پیش رفت کے بعد پاکستان کی سکیورٹی ایجنسیاں الرٹ ہیں۔