اقوام متحدہ کے سکریٹری جنرل، انتونیو گوٹیریئس نے اتوار کو مہاتما گاندھی کے 153 ویں یوم پیدائش کے موقع پر لوگوں سے تشدد سے باز رہنے کے لیے ان کے اہنسا (عدم تشدد) کے اصولوں پر عمل کرنے کی اپیل کی۔ قابل ذکر ہے کہ مہاتما گاندھی کے یوم پیدائش کو عدم تشدد کے عالمی دن کے طور پر منایا جاتا ہے۔ اقوام متحدہ کے سربراہ نے ٹویٹ کیا کہ عدم تشدد کے عالمی دن پر، ہم مہاتما گاندھی کی یوم پیدائش اور امن، احترام اور ضروری وقار کے اقدار کو مناتے ہیں۔ ہم ان اقدار کو اپنا کر اور ثقافتوں و سرحدوں کے پار کام کر کے ایک بہتر مستقبل کی تعمیر کے ذریعے آج کے چیلنجز کو شکست دے سکتے ہیں۔ Gandhi Jayanti 2022
موہن داس کرم چند گاندھی، جنہیں گاندھی جی کے نام سے جانا جاتا ہے، بھارت کے ایک عظیم رہنما جنہوں نے ملک کے لیے اپنی جان دے دی، 2 اکتوبر 1869 کو پیدا ہوئے۔ یہ دن ہر سال بابائے قوم کو خراج عقیدت پیش کرنے کے ساتھ ساتھ ان کے اقدار، اصولوں اور فلسفے کو یاد کرنے کے لیے بڑی خوشی سے منایا جاتا ہے۔ جون 2007 میں، اقوام متحدہ کی جنرل اسمبلی نے 2 اکتوبر کو عدم تشدد کے عالمی دن کے طور پر منایا۔
موہن داس کرم چند گاندھی بھارت کے سب سے اہم آزادی پسند جنگجوؤں میں سے ایک تھے۔ انہوں نے انگریزوں کے خلاف عدم تشدد کی تحریک کی قیادت کی۔ انھوں نے قانون کی تعلیم حاصل کی اور ایک مؤکل کی نمائندگی کے لیے جنوبی افریقہ گئے۔ بھارت واپس آنے کے بعد وہ انڈین نیشنل کانگریس میں شامل ہو گئے۔ انہوں نے خواتین کے حقوق اور ذات پات کے امتیاز کے لیے جدوجہد کی۔ انہوں نے مزدوروں اور کسانوں کے لیے ملک گیر مہم کی قیادت بھی کی۔ گاندھی کی موت کے 21 سال بعد، برطانیہ نے ان کے اعزاز کے لیے ایک ڈاک ٹکٹ بھی جاری کیا۔
یہ بھی پڑھیں: Gandhi Birth Anniversary آج گاندھی جی کا یوم پیدائش
گاندھی جی نے کبھی بھی امن کا نوبل انعام نہیں جیتا، لیکن وہ 5 مرتبہ نامزد ضرور ہوئے۔ صرف گاندھی ہی پہلے اور واحد بھارتی ہیں جنہیں 1930 میں 'ٹائم پرسن آف دی ایئر' کے خطاب سے نوازا گیا تھا۔ دلائی لامہ، نیلسن منڈیلا اور جان لینن جیسے کئی عالمی رہنما گاندھی کو مثالی مانتے ہیں۔ اس کی وجہ یہ ہے کہ انھوں نے انگریزوں سے آزادی کی جنگ لڑی تھی، لیکن انھوں نے سماجی مسائل جیسے ذات پات کے امتیاز، خواتین کے حقوق وغیرہ کے خلاف بھی جدوجہد کی تھی۔
