خرطوم: سوڈان میں موسلادھار بارش اور سیلاب سے مرنے والوں کی تعداد بڑھ کر 83 ہو گئی ہے۔ ملک کی سول ڈیفنس کونسل کے مطابق حالیہ موسلادھار بارش کے بعد سیلاب سے متاثرہ علاقوں میں 18,000 سے زیادہ گھر تباہ اور 25,000 کو نقصان پہنچا ہے۔ Flood death in Sudan
وزارت آبپاشی اور آبی وسائل نے آنے والے دو دنوں میں بلیو نیل اور وائٹ نیل دریاؤں کی آبی سطح دوبارہ بڑھنے کی وارننگ دی ہے۔ وزارت نے خاص طور پر دارالحکومت خرطوم میں دونوں ندیوں کے قریب رہنے والے لوگوں سے ضروری احتیاطی تدابیر اختیار کرنے کی تاکید کی۔
یہ بھی پڑھیں: Flash Flooding Kills 15 in Afghanistan افغانستان میں سیلاب سے 15 افراد ہلاک
سوڈانی وزرا کی کونسل نے اتوار کے روز سیلاب سے متاثرہ چھ ریاستوں نیل ندی، گیزیرہ، وائٹ نیل، ویسٹ کورڈوفان، جنوبی دارفور اور کاسلا میں ہنگامی حالت کا اعلان کیا ہے۔
یو این آئی
