سویڈن میں ہوائی جہاز کے حادثے میں پائلٹ سمیت نو افراد ہلاک ہوگئے۔ سویڈن پولیس نے بتایا کہ چھوٹا طیارہ اوریبرو کے مضافات میں گر کر تباہ ہوا ، جس میں آٹھ اسکائی ڈائیور اور ایک پائلٹ سوار تھا۔
سویڈش پولیس نے بتایا کہ یہ ایک انتہائی سنگین حادثہ تھا۔ گرنے والے طیارے میں سوار تمام افراد ہلاک ہوگئے ہیں۔
پولیس نے بتایا کہ آٹھ اسکائی ڈائیورز ڈی ایچ سی -2 ٹربو بیور طیارے میں سوار تھے۔ طیارہ ٹیک آف کے فورا بعد اوریبرو ایئرپورٹ کے رن وے کے قریب گر کر تباہ ہوگیا اور آگ لگ گئی۔
یہ بھی پڑھیں:
دبئی پورٹ پر زبردست دھماکہ، کوئی جانی نقصان نہیں
سویڈن کے وزیر اعظم اسٹیفن لوفوان نے حادثے پر غم کا اظہار کیا اور متاثرین سے تعزیت کا اظہار کیا۔
انہوں نے ٹویٹ کیا کہ "انتہائی افسوس کے ساتھ مجھے اوریبرو میں طیارے کے گرنے کے بارے میں افسوسناک خبر ملی ہے۔ میری تعزیت متاثرین اور ان کے اہل کے ساتھ ہے۔''
