حیدرآباد: بالی ووڈ اداکارہ اور ماڈل اروشی روتیلا کو اکثر کرکٹ اسٹیڈیم میں دیکھے جانے کے بعد سوشل میڈیا میں ٹرولنگ کا سامنا کرنا پڑتا ہے اور خاص طور پر جب رشبھ پنت بھارتی ٹیم یا آئی پی ایل ٹیم کے لیے کھیلتے ہیں تو صارفین اداکارہ کو اس وقت اسٹیڈیم میں دیکھ کر ناخوش ہوجاتے ہیں۔ اداکارہ سوشل میڈیا پر عجیب و غریب پوسٹ شیئر کرنے کے لیے جانی جاتی ہیں اب حال ہی میں انہوں نے ایک ایسی پوسٹ شیئر کی جس میں ایک خاتون ایک پلے کارڈ تھامے نظر آرہی ہیں۔ Urvashi Rautela Reacts to Placard
- " class="align-text-top noRightClick twitterSection" data="
">
کرکٹر رشبھ پنت کے ساتھ اپنے خراب تعلقات کی وجہ سے اکثر سرخیوں میں رہنے والی اداکارہ نے انسٹاگرام پر حالیہ آئی پی ایل میچ سے ایک خاتون کے پلے کارڈ تھامے تصویر پوسٹ کی۔ واضح رہے کہ اس آئی پی ایل میچ میں اپنی ٹیم دہلی کیپیٹلس کو سپورٹ کرنے رشبھ پنت بھی اسٹیڈیم پہنچے تھے۔ اس پلے کارڈ پر لکھا تھا کہ ' خدا کا شکر ہے کہ اروشی یہاں نہیں ہیں'۔ اب اروشی نے یہ تصویر اپنے مداحوں کے ساتھ شیئر کرتے ہوئے لکھا کہ 'کیوں؟'۔
جیسے ہی اداکارہ نے یہ پوسٹ شیئر کی، سوشل میڈیا صارفین نے اس پوسٹ پر اپنا ردعمل ظاہر کیا۔ جہاں کچھ صارفین نے کہا کہ وہ توجہ حاصل کرنے کے لیے یہ سب کرتی ہیں۔ تاہم بہت سے لوگوں نے اروشی کا دفاع کرتے ہوئے کہا کہ انہوں نے مختلف طریقوں سے ملک کی نمائندگی کی ہے اور ہندوستان کا سر فخر سے بلند کیا ہے'۔
ایک صارف نے تبصرہ کرتے ہوئے لکھا کہ 'یہ اچھا نہیں ہے اگر رشبھ پنٹ انڈیا کی نمائندگی کر رہا ہے تو اروشی روتیلا بھی کوئی سڑک چھاپ لڑکی نہیں ہے جو اس طرح سے اس کو ٹرول کر رہے ہو وہ بھی بھارت کا فخر ہے مس ورلڈ ایسے نہیں بن جاتے، ٹرولرز کو مذاق اڑانا ہے لیکن یہ دیکھو کہ مذاق کس کا اڑا رہے ہو۔ بدنامی خود کے ملک کی ہی ہورہی ہے'۔
