مرکز کے زیر انتظام خطہ جموں و کشمیر کے ضلع ادھمپور کے رامبل کے علاقے کے لوگوں نے ڈپٹی کمشنر اندو کنول چِب سے ملاقات کی اور فوج کی جانب لیز پر حاصل کی گئی ان کی زمنیوں کے بدلے مناسب معاوضہ ادا کرنے کا مطالبہ کیا۔
وفد کے ارکان کا کہنا ہے کہ رامبل میں ان کی زمینیں فوج نے 70 سال کے لیے لیز پر لی ہے۔ دوسری ریاستوں کے مقابلے انہیں اپنی زمینوں کا بہت کم کرایہ مل رہا ہے جس کے حل کے لیے انہوں نے ضلع انتظامیہ سے اپیل کرنے کے ساتھ شکایت سیل میں درخواست بھی دی تھی۔
اس معاملے کا تصفیے کرنے کے لیے محکمہ ریونیو نے زمین کے کاغذات تیار کر کے ڈیفنس اسٹیٹ آفیسر کو بھیجے کی ہدایت دی ہے ۔
اس کے بعد ڈیفنس اسٹیٹ آفیسر کی جانب سے اس سلسلے میں ضلع ترقیاتی کمشنر سے کچھ معلومات طلب کی گئیں۔ لیکن ضلع انتظامیہ نے ابھی تک اس کا کوئی جواب نہیں دیا۔
انہوں نے کہا کہ گذشتہ چھ ماہ سے ضلع ترقیاتی کمشنر کے دفتر سے اس معاملے کو سلجھانے کے لیے کوئی کارروائی نہیں کی گئی ہے جس کے بعد کافی غور و خوض کے بعد لوگوں نے اس سلسلے میں ہائی کورٹ میں عرضی داخل کی۔ اب عدالت نے حکومت کو ہدایت جاری کرتے ہوئے تین ماہ کے اندر معاملہ کا حل نکالنے کی ہدایت دی ہے۔
مزید پڑھیں:ادھم پور میں آئیکونک فیسٹیول کا آغاز
اس سلسلے میں رامبل پنچایت کے لوگوں نے آج ڈی سی سے ملاقات کی ہے اور انہیں عدالت کے حکم کی کاپی دے کر اس معاملے میں فوری کارروائی کرنے کی اپیل کی۔
