ظہور شیخ کا بی جے پی کے ساتھ کوئی تعلق نہیں: الطاف ٹھاکر

جموں وکشمیر بی جے پی ترجمان الطاف ٹھاکر نے اپنے ایک بیان میں کہا ہے کہ ظہور شیخ عوام کو لوٹ رہا ہے اور کہتا ہے کہ وہ بی جے پی کے ساتھ وابسطہ ہے،حالانکہ بی جے پی کے ساتھ اس کا دور کا واسطہ بھی نہیں ہے۔

الطاف ٹھاکر کے مطابق ظہور احمد ملک دشمن حرکات کا مرتکب ہوا ہے۔

انہوں نے مزید کہا کہ ظہور احمد چھ سال تک مقبوضہ کشمیر میں رہا ہے اور ایسے ملک دشمن عناصر کی بھاجپا میں کوئی جگہ نہیں ہے۔

ٹھاکر نے جموں وکشمیر بینک کے عہدیداروں سے گزارش کی ہے کہ اس کے تمام بینک کھاتوں کو سیز کرئیں۔

واضح رہے ظہور احمد جموں و کشمیر میں پہلی بار منعقد ڈی ڈی سی انتخابات میں بھی قسمت آزمائی کی تھی تاہم وہ بری طرح ہار گیے تھے۔