ترال: تازہ برفباری کے بعد عام زندگی مفلوج

ترال میں دوپہر کے بعد شدید برفباری شروع ہوگئی۔ جس کی وجہ سے معمولات زندگی متاثر ہو گئی۔ برفباری سے پھسلن پیدا ہونے کی وجہ سے گاڑیوں کی آمدو رفت بھی متاثر ہو گئی ہے۔

مرکز کے زیر انتظام جموں و کشمیر کے ترال میں تازہ برفباری کے بعد عام زندگی مفلوج ہو کر رہ گئی ہے۔

وادی کشمیر میں برفباری کا سلسلہ جاری ہے۔ وہیں ترال میں دوپہر کے بعد شدید برفباری شروع ہوگئی ہے۔ جس کی وجہ سے معمولات زندگی متاثر ہو گئی ہے۔ برفباری سے پھسلن پیدا ہونے کی وجہ سے گاڑیوں کی آمدو رفت بھی متاثر ہو گئی ہے۔

ضلع کے بالائی علاقوں سے سڑکوں پر برف جمع ہونے سے آمدو رفت بند ہو گئی ہے جبکہ ترال بس اسٹینڈ میں پھنسے مسافروں کو پریشانیوں کا سامنا کرنا پڑ رہا ہے۔

مقامی لوگوں کا کہنا ہے کہ برفباری سے غریب لوگوں کو زبردست مشکلات کا سامنا کرنا پڑ رہا ہے۔

وہیں انتظامیہ کے ایک اعلی عہدیدار نے بتایا کہ سڑکوں پر جمع برف کو صاف کرنے کے لیے مشینوں کو لگایا گیا ہے۔