پی ایم کئیر فنڈ ملک کا سب سے بڑا گھپلہ: محبوبہ مفتی

جموں و کشمیر کی سابق وزیر اعلٰی اور پی ڈی پی صدر محبوبہ مفتی نے کہا کہ پی ایم کیئرس فنڈ ملک کا سب سے بڑا گھوٹالہ ہے اور اس فنڈ کے تحت خریدے گئے وینٹلیٹرز بھی غیر فعال ہوئے ہیں۔

سرینگر میں پی ڈی پی دفتر میں میڈیا کے ساتھ بات کرتے ہوئے محبوبہ مفتی نے کہا کہ پی ایم کئیر فنڈ میں بڑے پیمانے پر رشوت لی گئی ہے اور یہ ملک کا سب سے بڑا گھوٹالہ ہے۔

محبوبہ مفتی نے کہا کہ جموں و کشمیر میں عام شہریوں یا پولیس اہلکاروں کی ہلاکتیں سیکورٹی کی ناکامی ہے اور نامساعد صورتحال کی عکاسی ہے۔ محبوبہ مفتی نے مزید کہا کہ گزشتہ ایک برس سے کسان سڑکوں پر کسان مخالف قوانین کے خلاف احتجاج کر رہے ہیں اور کئی کسانوں نے اپنی جان بھی گنوائی ہے لیکن موجودہ مرکزی سرکار کو ان کا احساس بھی نہیں ہوا رہا ہے۔ انہوں نے کہا کہ کسانوں کے معاملات پر بات نہ کرنا مرکزی سرکار کے "گھمنڈ" کو دکھاتا ہے۔

انہوں نے کہا کہ جس طرح سے ہریانہ میں ضمنی اسمبلی انتخابات میں رائے دہندگان نے بی جے پی کے خلاف ووٹ دئے، آنے والے وقت میں لوگ ایسا ہی رویہ دکھائیں گے اور بی جے پی کو ہوش کے ناخون لینے پڑیں گے۔

انہوں نے کہا کہ اگر مرکزی سرکار یہ دعوے کر رہی ہے کہ جموں و کشمیر میں حالات بہتر پورہے ہیں تو پھر وادی میں نیم فوجی دستوں کی تعداد کیوں بڑھائی جارہی ہے۔