چاڈورہ میں سی آر پی ایف پارٹی پر گرینیڈ حملہ

وسطی کشمیر کے ضلع بڈگام کے موچھوہ چاڈورہ علاقے میں نامعلوم عسکریت پسندوں نے سی آر پی ایف کی پارٹی پر گرینیڈ پھینکا ،تاہم گرینیڈ نہیں پھٹا۔

اطلاعات کے مطابق چاڈورہ بڈگام کے موچھوہ علاقے میں نامعلوم عسکریت پسندوں نے سی آر پی ایف پارٹی پر گرینیڈ پھینکا مگر وہ پھٹا نہیں۔

حملے کے بعد عسکریت پسند فرار ہونے میں کامیاب ہوگئے۔ علاقے کو سکیورٹی فورسز نے محاصرے میں لے لیا ہے اور تلاشی کارروائی بڑے پیمانے پر شروع کردی گئی ہے۔
پی آر او سی آر پی ایف نے ای ٹی وی بھارت کے نمائندے کے ساتھ فون پر بات کرتے ہوئے واردات کی تصدیق کی ہے۔ ابھے رام نے کہا کہ نامعلوم عسکریت پسندوں نے سی آر پی ایف پارٹی پر گرینیڈ حملہ کیا لیکن خوش قسمتی سے گرینیڈ پھٹا نہیں۔

انہوں نے کہا کہ علاقے کو محاصرے میں لیا گیا ہے اور عسکریت پسندوں کی تلاش جاری ہے۔