جموں و کشمیر پیپلز ڈیموکریٹک پارٹی (پی ڈی پی) کے ترجمان اور ترال کے ڈی ڈی سی ممبر ہربخش سنگھ نے آج سب ضلع ہسپتال پانپور کا دورہ کرکے ہسپتال میں موجود سہولیات کا جائزہ لیا۔
انہوں نے ہسپتال میں دی جانے والی سہولیات کے حوالے سے مریضوں سے بات چیت بھی کی۔
انہوں نے ہسپتال میں موجود او پی ڈی، ایکسرے سنٹر، تھیٹر اور جنرل وارڈس کا معائنہ بھی کیا جس پر انہوں نے اطمینان کا اظہار کیا۔
اپنے دورے کے دوران انہوں نے ہسپتال میں تعینات طبی اور نیم طبی عملے کی حاضری کا بھی جائزہ لیا۔
ہربخش سنگھ نے کہا کہ 'ان کے دورے کا مقصد لوگوں کو ہسپتال میں دی جانے والی سہولیات کا جائزہ لینا تھا تاکہ انہیں اس بات کا علم ہوسکے کہ مریضوں کو کسی طرح کی مشکلات کا سامنا تو نہیں کرنا پڑرہا ہے'۔
یہ بھی پڑھیں: جموں و کشمیر: میٹرو ریل سروس کی تعمیر محض ایک اعلان
انہوں نے مزید کہا کہ 'وہ لوگوں کو طبی نگہداشت کے حوالے سے بہترین سہولیات فراہم کرنا چاہتے ہیں تاکہ لوگوں کو کسی طرح کی مشکلات کا سامنا نہ کرنا پڑے۔'
