پونچھ: ٹی ایس وزیر کا دہلی میں مبینہ قتل تھانہ منڈی میں مکمل چکہ جام

نیشنل کانفرس کے سابق وزیر اور اور ٹرانسپورٹ ایسوسیشن کے رکن ٹی ایس وزیر کی دہلی میں لاش ملنے کے بعد یہ بات کہی جا رہی ہے کہ انہیں قتل کیا گیا ہے۔ اس کی مکمل صاف و شفاف تحقیقات اور قاتلوں کو کیفر کردار تک پہنچانے کے مطالبات کے پیش نظر پونچھ کے تحصیل منڈی میں بھی چکہ جام کا اعلان کیا گیا تھا۔

جموں کے دیگر اضلاع کی طرح سرحدی ضلع پونچھ اور تحصیل تھانہ منڈی میں بھی ترلوچن سنگھ کے مبینہ قتل کے پیش نظر مکمل چکہ جام کا اثر دیکھنے کو ملا۔ کیونکہ ترلوچن سنگھ کے قتل کے بعد جموں و کشمیر ٹرانسپورٹ ایسوسی ایشن نے مکمل چکہ جام کا اعلان کیا تھا، جس کے سبب ضلع پونچھ اور تحصیل منڈی میں بھی دن بھر گاڑیوں کی آمدو رفت معطل رہی۔

گذشتہ دنوں دہلی کے ایک ہوٹل میں نیشنل کانفرس کے سینئر رہنما اور ٹرانسپورٹ ایسوسیشن کے رکن ٹی ایس وزیر کی لاش ملنے کے بعد یہ بات کہی جا رہی ہے کہ انہیں قتل کیا گیا ہے۔ اس معاملے کی مکمل صاف و شفاف تحقیقات اور قاتلوں کو کیفر کردار تک پہنچانے کے مطالبات کے پیش نظر اس چکہ جام کا اعلان کیا گیا تھا۔ منڈی میں ٹرانسپورٹ ایسوسی ایشن کے صدر انجم نے اس تعلق سے کہا کہ 'آج ضلع پونچھ اور تھانہ منڈی میں بھی مکمل چکہ جام رہا۔ گاڑیوں کو مکمل طور پر بند رکھا گیا۔ انجم نے مزید کہا کہ اس کال کا مقصد ہے کہ ہمارے رہنما کا قتل کیا گیا ہے۔ ہم اس کی پر زور مذمت کرتے ہیں اور ملزم کو جلد از جلد گرفتار کر کے کیفر کردار تک پہنچانے کا مطالبہ کرتے ہیں۔

واضح رہے کہ جموں و کشمیر کے ضلع ادھم پور میں بھی آل ٹرانسپورٹ یونین نے نیشنل کانفرنس کے سینئر رہنما ترلوچن سنگھ وزیر کی موت پر پوری طرح ٹرانسپورٹ بند کر رکھی ہے۔ ٹی ایس وزیر کی لاش مشکوک حالات میں دہلی کے ایک ہوٹل سے ملی تھی اور اسی سلسلے میں ٹرانسپورٹ یونین نے ایک دن کے لیے ٹرانسپورٹ بند کرنے کا اعلان کیا تھا۔