پی ڈی پی صدر محبوبہ مفتی نے خطہ پیر پنچال کے تحصیل کوٹرنکا کا دورہ کیا۔ محبوبہ مفتی کے دورے پر بڑی تعداد میں لوگوں نے شرکت کرکے ان کا والہانہ استقبال کیا۔
محبوبہ مفتی کے دورے کے دوران بدہل علاقہ کے مختلف پنچایتوں سےتعلق رکھنے والے لوگوں نےشرکت کی اور اپنے مسائل اجاگر کیے۔ وہیں محبوبہ مفتی نے لوگوں سےخطاب کرتے ہوئے کہا کہ خطہ پیر پنچال کی عوام نے ہمیشہ پی ڈی پی کا بڑھ چڑھ کر تعاون کیا ہے۔
محبوبہ مفتی نے کہا کہ پی ڈی پی نے اپنے دور اقتدار میں ایسی حکومت رہی جس نے جموں وکشمیر کے لوگوں کی ہر وقت مدد کی ہے۔
ان کے مطابق پی ڈی پی کی حکومت ایسے وقت میں جموں وکشمیر کی عوام کو دیکھنے کو ملی جب ملیٹنسی عروج پر تھی تب بھی جموں وکمشیر کی عوام کو صرف پی ڈی پی حکومت نے ہی راحت دلائی تھی۔
پی ڈی پی کی صدر نے کہا کہ پی ڈی پی کے دور حکومت میں جموں وکشمیر میں جو جو کام ہوئے وہ ہمیشہ عوام یاد رکھے گے۔
محبوبہ مفتی نے کہا کہ 'مفتی محمد سعید کو خطہ پیر پنچال سے دلی لگاؤ تھا اتنا ہی میں بھی خطہ پیر پنچال سے دلی لگاؤ رکھتی ہوں۔'
محبوبہ مفتی ن ےمزید کہا کہ 'جتنا آج لوگوں نے اکٹھا ہوکر میرا خیرمقدم کیا ہے مجھے امید ہے کہ آپ لوگ اسی طرح سے پی ڈی پی کا تعاون کریں گے، تاکہ جموں وکشمیر کی خراب حالت کو بہتر بنانے میں پارٹی اپنا مضبوط رول ادا کرے۔
مزید پڑھیں:پیرپنچال کی عوام نے ہمیشہ پی ڈی پی کو ترجیح دی: مفتی
انہوں نے خطہ پیرپنچال کی عوام سے گزارش کی کہ وہ پی ڈی پی پارٹی کا بڑھ چڑھ کر تعاون کریں۔
