رامبن: آتشزدگی میں املاک کو پہنچنے والے نقصان پر متاثرین کے ساتھ دکھ کا اظہار

رامبن سے نیشنل کانفرنس کے رہنما اور ضلعی صدر سجاد شاہین نے منگت کھڑی میں آتشزدگی کے ہولناک واقعے میں املاک کو پہنچنے والے نقصان پر متاثرین کے ساتھ دکھ کا اظہار کیا ساتھ ہی انہیں ہر ممکن مدد کی یقین دہانی کرائی۔

ضلع رامبن کی تحصیل کھڑی کے دور افتادہ منگٹ گاؤں میں نیشنل کانفرنس کے رہنما اور ضلعی صدر رامبن سجاد شاہین نے دورہ کیا، ساتھ ہی انہوں نے گزشتہ روز منگت کھڑی میں آتشزدگی کے ہولناک واقعے میں املاک کو پہنچنے والے نقصان پر متاثرین کے ساتھ دکھ کا اظہار کیا ہے۔

اس موقع پر شاہین کے ساتھ ڈی ڈی سی کونسلر گلشن پروین اور پارٹی کے دیگر عہدیداران بھی ساتھ تھے۔ منگٹ کے دورے کے دوران متاثرین کے ساتھ ہمدردی کا اظہار کرتے ہوئے شاہین نے انہیں ہر ممکن مدد کی یقین دہانی کرائی۔ انہوں نے ضلعی انتظامیہ پر زور دیا کہ وہ آتشزدگی کے متاثرین کے لیے امداد اور بحالی کے اقدامات کریں۔ شاہین نے کہا کہ ضلع بھر میں آگ سے لیس فائر سروس اسٹیشن قائم کرنے کی ضرورت ہے، پہاڑی علاقوں میں ایسے اسٹیشن بلاک سطح پر کھولے جانے چاہئیں۔ شاہین نے علاقے کے لوگوں کی ضروریات کو پورا کرنے کے لیے کھاری، ماہو، رامسو، نیل اور اُکھڑال میں فائر سروس اسٹیشن قائم کرنے کا مطالبہ کیا۔

شاہین نے آگ کو مزید پھیلنے سے روکنے میں بروقت کوششوں پر مقامی، پولیس اہلکار، 23 آرمی کے جوانوں کی بھی تعریف کی۔