گیا میں قومی یوم رائے دہندگان کے موقع پر میوزیم میں سرکاری تقریب ہوئی۔ مہمان خصوصی کی حیثیت سے مگدھ کمشنر مینک ورواڑے شامل ہوئے۔ اس تقریب میں ضلع کے سبھی افسران سمیت اسکولی طلباء اور شہر کے عام و خاص شریک ہوئے۔
کمشنر نے سبھی کو حلف دلایا کہ " ہم بھارت کے شہری، جمہوریت پر مکمل اعتماد کرتے ہوئے یہ حلف اٹھاتے ہیں کہ ہم اپنے ملک کی جمہوری روایات کے وقار کو برقرار رکھیں گے اور آزادانہ، منصفانہ اور پرامن انتخابات کے وقار کو بغیر کسی خوف، مذہب، طبقے کے برقرار رکھیں گے اور کسی ذات، برادری، زبان، یا کسی بھی دوسرے جذبے سے متاثر ہوئے بغیر تمام انتخابات میں اپنا حق رائے دہی استعمال کریں گے۔ کمشنر نے حلف کے بعد نئے ووٹرز کو الیکشن کارڈ اور اچھا کام کرنے والوں کو توصیفی سند سے نوازا۔
اس موقع پر ایڈیشنل کلکٹر منوج کمار، ایڈیشنل کلکٹر ڈیپارٹمنٹل انکوائری سنتوش کمار، ڈپٹی الیکشن افسر متھورا کمار کے علاوہ کئی اعلیٰ افسران موجود تھے۔
