اتر پردیش غازی آباد کے وجئے نگر تھانہ علاقہ کے بہرام پور میں ایک پٹرول پمپ سیلز مین اور اس کی ایک سالہ بیٹی کی لاشیں مشتبہ حالت میں ایک ہی رسی کے مختلف پھندوں سے لٹکی ہوئی پائی گئیں۔Father and Doughter Found Hanging At Home
اہلیہ کے مطابق وہ رات کو بیٹی کے ساتھ الگ کمرے میں لیٹی تھی ۔صبح نو بجے کے قریب جب وہ بیدار ہوئی تو اس کا شوہر اور بیٹی دوسرے کمرے میں لٹکے ہوئے تھے۔ اس نے فوراً بیٹی کو اتارا اور سانس لینے کی کوشش کی لیکن کچھ نہیں ہوا۔ خاتون کے رونے کی آواز سن کر پڑوسی آئے اور پھر پولیس کو اطلاع دی۔
دونوں کی رپورٹوں میں موت کی وجہ لٹکنے سے ہوئی ہے۔ وہیں سیلز مین کے چھوٹے بھائی نے وجئے نگر پولیس تھانے میں ایک شکایت درج کرواتے ہوئے بھابھی پر ہی دونوں کے قتل کا الزام لگایا ہے۔
ہاپوڑ کے بہادر گڑھ کے عالم نگر کے رہنے والے امیت چوہان کا بہرام پور میں مکان ہے۔ یہاں وہ بیوی نہا عرف شیوانی اور ایک سال کی بیٹی بھومیکا کے ساتھ رہتا تھا۔ امیت اور نیہا کی شادی 28 فروری 2019 کو ہوئی تھی۔نہا کے بھائی سندیپ نے بتایا کہ 15 دسمبر کو بھومیکا کی پہلی سالگرہ دھوم دھام سے منائی گئی ۔ سندیپ کے مطابق امیت کی مالی حالت ان دنوں ٹھیک نہیں تھی اور اس نے گزشتہ ماہ ہی بہنوئی کو 10 ہزار روپے دیے تھے۔ اس سے پہلے بھی تین ہزار روپے دیئے تھے۔
