مہاراشٹرحکومت نے کورونا (کووڈ ۔19) وبا سے متاثر لوگوں کی خدمت کرنے والے پرائیوٹ ڈاکٹروں کی کورونا کی وجہ سے ہوئی موت پر 50 لاکھ روپے کی بیمہ رقم دینے کا فیصلہ کیا ہے۔
جمعرات کو جاری ایک سرکلر میں ڈائریکٹر ہیلتھ سروسز ڈاکٹر سادھنا تیاڈے نے کہا کہ کورونا کی وجہ سے ہوئی موت سے سرکاری اور نیم سرکاری خدمات میں کام کرنے والے ڈاکٹروں کو انشورنس فراہم کیا جاتا ہے، لیکن اب پرائیوٹ ڈاکٹروں کو بھی یہ سہولت حاصل ہوگی۔ انہوں نے کورونا سے لڑنے والے طبی اہلکاروں کے لئے پردھان منتری غریب کلیان پیکیج - بیمہ اسکیم کے 09.2020 اپریل کے خط کا بھی حوالہ دیا ہے اور کہا ہے کہ پرائیوٹ ڈاکٹروں کے لیے بھی اس کے التزام پر عمل کیا جائے گا۔
