افغانستان کی کاؤنسل جنرل ذکیہ وردک کے ساتھ خاص بات چیت

ممبئی میں واقع افغانستان کونسلیٹ میں افغانستان میں خواتین کے حالات تبادلہ خیال کیا گیا۔

بھارتی خواتین نے افغانستان کی کاؤنسل جنرل ذکیہ وردک سے اس بات کے تعاون کی درخواست کی کہ افغانستان میں خواتین اور بچوں کے حقوق کو لیکر وہ آواز اٹھانا چاہتی ہیں ذکیہ وردک نے ان کا تعاون کرتے ہوئے یقین دہانی کرائی کہ وہ ان کی ہر ممکن مدد کریں گی۔

اس موقعے پر ای ٹی وی بھارت سے بات چیت میں انہوں نے کہا کہ ہمیں اُمید ہےکہ بھارت اس مظالم کے خلاف آواز بلند کریگا تو یقیناً ایک دن اس سے نجات ملے گی۔'

اس موقعے پر سینیئر وکیل آبھا سنگھ نے کہا کہ' طالبان کے ذریعے اسکولوں کو بند کروانا بچوں کو تعلیم سے دور رکھنا، انتہائی تشویشناک ہے۔ ہمیں اس کے خلاف آواز اٹھانی چاہیے، تاکہ ان لوگوں تک یہ پیغام پہنچے کہ بھارت بچوں اور خواتین کے حقوق کی خلاف ورزی کرنے والوں کے خلاف آواز بلند کرتا رہے گا۔'

انہوں نے کہا کہ' وہ اس مسئلے کو اقوام متحدہ تک لے جائیں گی اور خواتین کے حقوق کے تحفظ کے لیے کوششیں کریں گی'۔