ماہ محرم میں پہلی تاریخ سے دس محرم تک امام بارگاہوں میں عشرہ مجالس کا انعقاد کیا جاتا ہے اور ان دس دِنوں میں شہداء کربلا سے منسوب مختلف تاریخوں میں مجالس کے ساتھ علم اور جلوس ذوالجناح بھی برآمد کیا جاتا ہے۔ میرٹھ میں شہر اور دیہات کی مختلف امام بارگاہوں اور علاقوں میں چھ محرم سے جلوسوں کے انعقاد کا سلسلہ شروع ہو جاتا ہے۔
ملک میں گزشتہ سال کی طرح اس سال بھی کورونا گائیڈ لائن کے سبب سڑکوں پر جلوسوں کے انعقاد پر پابندی ہے تاہم امام بارگاہوں میں پروگرام کے انعقاد کی اجازت ہونے سے آٹھ محرم کو امام بارگاہوں میں مجالس کے بعد علم حضرت عباس برآمد کیا گیا۔
مزید پڑھیں: دو سو سالہ قدیم ہگلی امام باڑہ مذہبی رواداری کی علامت
ملک میں کورونا گائیڈ لائن کے سبب اس سال سڑکوں پر جلوس اور علم نہیں نکالے گئے۔ لیکن شہداء کربلا کی مناسبت سے امام بارگاہوں میں ہی جلوسوں کا انعقاد گیا وہیں مجالس کے بعد علم مبارک برآمد کیا گیا اور آٹھ محرم کی مناسبت سے حضرت عباس کے علم مبارک کی زیارت کی گئی۔
