ریاست میں نافذ کووڈ ضوابط کو نظر میں رکھتے ہوئے رواں برس کچھ شعرا کو مدعو کیا گیا جب کہ کم تعداد میں شرکا کو دعوت دی گئی تھی۔ مشاعرہ کے دوران شعرا کلام نے شاندار کلام پیش کیا وہیں ناظرین نے خوب داد دی۔
واضح رہے کہ بارہ بنکی میں محلہ سیول لائین کے گاندھی بھون میں گزشتہ 43 برس سے 2 اکٹوبر کی شب کل ہند مشاعرہ منعقد کیا جاتا ہے۔ تاہم کووڈ وبا کی وجہ سے گزشتہ دو سال اس مشاعرہ کو چھوٹے پیمانہ پر منعقد کیا جارہا ہے۔
اس سال مشاعرہ میں انجم بارہ بنکوی، قمر جاوید، شکیل معین، خمار بارہ بنکوی جیسے شعرا کرام نے اپنا کلام پیش کیا۔ کووڈ-19 پروٹوکال کی وجہ سے مشاعرہ میں ناظرین کی کم تعداد دیکھی گئی، اس کے باوجود شعرا کرام نے اپنے بہترین کلام سے سماں باندھا جس پر شرکا نے انہیں داد سے نوازا۔
مشاعرے کی صدارت سابق صدر ضلع بار ایسوسی ایشن برجیش دیکشت نے کی جب کہ نظامت کے فرائض شاعر انجم بارہ بنکی نے انجام دیئے۔ بعد میں گاندھی جینتی سماروہ کے صدر عمیر قدوائی نے اظہار تشکر کیا۔
