کپواڑہ: سڑک حادثہ میں فوجی اہلکار ہلاک

سرحدی ضلع کپواڑہ کے لولوب میں ایک سڑک حادثے میں ایک فوجی اہلکار ہلاک جب کہ ایک اور فوجی زخمی ہوا ہے۔

اطلاع کے مطابق شمالی کشمیر کے ضلع کپواڑہ کے لولاب کے آورمنوان میں ایک سڑک حادثے میں ایک فوجی جوان ہلاک جب کہ ایک اہلکار زخمی ہوا ہے۔

تفصیلات کے مطابق یہ حادثہ اس وقت پیش آیا جب آوورا میں تعینات چوتھے سکھ یونٹ کے ڈرائیور نے گاڑی پر کنٹرول کھودیا اور حادثہ پیش آیا۔

مرنے والے جوان کی شناخت دھرمیندر سنگھ ولد پرویش سنگھ وہیں زخمی اہلکار کی شناخت سکھ پال سنگھ کے طور پر ہوئی ہے۔ فوج کے مطابق زخمی فوجی اہلکار کو فوجی اسپتال منتقل کیا گیا جہاں ان کی حالت اب مستحکم بتائی جارہی ہے۔