پونچھ: نہرو یووا کیندر پونچھ کی جانب سے موٹرسائیکل ریلی کا انعقاد

جموں و کشمیر کے ضلع پونچھ میں آزادی کی 75 ویں سالگرہ امرت مہوتسو کے طور پر منائی جارہی ہے۔ اس موقع پر نہرو یووا کیندر پونچھ کی جانب سے ضلع ترقیاتی کمشنر کے دفتر سے موٹرسائیکل ریلی نکالی گئی۔

ڈسٹرکٹ ڈویلپمنٹ کمشنر پونچھ اندرا جیت نے اس پروگرام میں مہمان خصوصی کے طور پر شرکت کی، جنہوں نے ریلی کو ہری جھنڈی دکھا کر روانہ کیا۔

جمعرات کو ضلع ترقیاتی کمشنر کے دفتر سے آزادی کی 75 ویں سالگرہ کے موقع پر وزارت کھیل اور مرکزی حکومت کے تحت نہرو یووا کیندر پونچھ میں 75 ویں یوم آزادی کی تقریبات کے طور پر آزادی کے امرت مہوتسو کے سلسلے میں موٹرسائیکل ریلی کا انعقاد کیا گیا۔ ضلع کے مختلف یوتھ کلبس سے تعلق رکھنے والوں نے بڑی تعداد میں شرکت کی۔

اس موقع پر ڈسٹرکٹ ڈویلپمنٹ کمشنر پونچھ اندراجیت نے بتایا کہ آزادی کی 75 ویں سالگرہ امرت مہوتسو کے طور پر منائی جارہی ہے، جس کے لیے نہرو یووا کیندر پونچھ کی جانب سے ضلع کے 75 گاوں میں آزادی کا امرت مہوتسو منعقد کرنا ہے اسی سلسلے میں آج اس ریلی کا انعقاد کیا گیا۔

پرچم کشائی کی تقریب کے دوران ڈسٹرکٹ ڈویلپمنٹ کمشنر کے علاوہ ایس ایس پی پونچھ، ڈپٹی ڈسٹرکٹ ڈویلپمنٹ کمشنر، ڈسٹرکٹ یوتھ آفیسر، این وائی کے پونچھ، تحصیلدار پونچھ، اے ای ای پی ایچ ای پونچھ کے علاوہ ضلع کے بزرگ شہریوں کی ایک بڑی تعداد نے شرکت کی۔