مکان گرنے سے تین افراد کی موت

ضلع دھول پور کے تسیموں گاؤں میں طوفان سے ایک مکان گر کرتباہ ہوگیا، مکان گرنے کی وجہ سے تین افراد کی موت اور تین لوگ شدید طور سے زخمی ہوگئے۔

ریاست راجستھان کے ضلع دھول پور کے تسیموں گاؤں میں طوفان آنے کے سبب ایک مکان مکمل طور سے گرگیا جس کی وجہ سے ایک خاتون سمیت دو بچوں کی ملبے میں دبنے سے موت ہوگئی اور حادثے میں تین افراد شدید طور سے زخمی ہوگئے۔

حادثے کو دیکھتے ہی مقامی لوگ موقع پر پہنچ گئے اور سب ڈویژن انتظامیہ اور پولیس کو اطلاع دی۔

مقامی اہلکاروں کی مدد سے موقع پر پہنچنے والے انتظامی عہدیداروں نے تقریبا تین گھنٹے کے ریسکیو کے بعد تینوں جاں بحق افراد کی لاشیں نکالیں اور تینوں زخمیوں کو ایمبولینسوں کی مدد سے ضلعی اسپتال کے ٹراما سنٹر میں داخل کرایا گیا۔

تحصیلدار مینا نے کہا کہ وزیر اعلیٰ ریلیف فنڈ سے مرنے والوں کے کنبے کی مدد کی یقین داہانی کرائی جائے گی۔