اوکھلا سبزی منڈی میں اچانک آگ لگنے سے لاکھوں کا سامان جل کر خاک

دہلی کے اوکھلا سبزی منڈی میں علی الصبح اچانک آگ لگنے سے لاکھوں روپے کا سامان جل کر خاک ہوگیا۔ فائر بریگیڈ نے مشقت کے بعد آگ پر قابو پایا۔

نئی دہلی: اوکھلا کی سبزی منڈی میں بھیانک آگ لگ گئی، جس میں دیکھتے ہی دیکھتے لاکھوں روپے کے سامان جل کر راکھ میں تبدیل ہوگیا۔

اطلاع کے مطابق علی الصبح تقریبا 8 بجے سب سے مصروف رہنے والی جگہ اوکھلا سبزی منڈی میں بھیانک آگ لگ گئی۔

ٓاگ لگنے کی وجوہات کا پتہ نہیں چل سکا۔
اس حادثہ میں کسی جانی نقصان نہیں ہے حالانکہ آتشزدگی میں لاکھوں روپے کے سامان جل گئے ہیں جس کی بھر پائی کرنا مشکل ہے۔ موقع پر پہنچی فائر بریگیڈ نے مشقت کے بعد آگ پر قابو پایا۔

سبزی فروش ذیشان نے بتایا کہ آگ اچانک لگی اور دیکھتے ہی دیکھتے شعلے کی شکل اختیار کر لیا اور آس پاس رکھے سبزی رکھنے والے سامان جل کر راکھ ہوگئے۔