بی جے پی کے خلاف کانگریس کا احتجاج

کانگریس نے بی جے پی کے دفتر کا گھیراؤ کرکے ریاستی صدر کو میمورنڈم دیا، میمورنڈم میں پرگیہ ٹھاکر کو بھارتی جنتا پارٹی سے برخاست کرنے کا مطالبہ کیا گیا۔

ریاست مدھیہ پردیش کے دارالحکومت بھوپال میں بھوپال مدھیہ اسمبلی حلقے سے رکن اسمبلی عارف مسعود کی قیادت میں پرگیہ ٹھاکر کو برخاست کرنے کے لیے احتجاج کیا گیا۔

ریاستی بھارتی جنتا پارٹی کے صدر راکیش سنگھ، بی جے پی قومی صدر اور وزیراعظم کے نام موسوم میمورنڈم سونپا گیا۔ آج 12 بجے بورڈ آفس چوراہا امبیڈکر مجسمہ کے نزدیک کانگریس کارکنان جمع ہو کر پرگتی پیٹرول پمپ، سرگم ٹاکیز سے ہوتے ہوئے بھارتی جنتا پارٹی کے دفتر کی جانب روانہ ہوئے۔ بھوپال کی رکن پارلیمنٹ پرگیہ ٹھاکر نے گاندھی جی کی توہین کر گوڈسے کو محب وطن بتایا جس کی وجہ سے انہیں بی جے پی سے برخاست کرنے کا مطالبہ کیا گیا۔