ریاست مہاراشٹر کے اورنگ آباد میں معروف ادیب ڈاکٹر شکیل خان کی اولین کتاب ’’سفر ہے شرط ‘‘ کا اجراء مولانا ابوالکلام آزاد ریسرچ سنٹر میں ہوا۔ Maulana Azad Research Center Aurangabad
اس رسم اجرائی تقریب میں مہمان خصوصی کی حیثیت سے رکن پارلیمان فوزیہ تحسین خان نے شرکت کی۔
کتاب کے مصنف ڈاکٹر شکیل کا کہنا ہے ’سفر ہے شرط ’ کتاب میں نوجوانوں کے حوصلوں کو پرواز دینے کی کوشش ہے۔
انہوں نے مزید کہا کہ اس کتاب میں انسانوں کو دنیا میں بھیجنے کے مقاصد،دنیا کے مقبول ترین افراد کے کامیاب زندگی کے اسرارو رموز، تعلیم ملازمت اور خوشحال زندگی جسیے اہم اور غیر معمولی موضوعات پر تفصیلی روشنی ڈالی گئی ہے۔
ڈاکٹر شکیل خان نے کہا کہ یہ کتاب نوجوانوں کے لیے مشعل راہ ثابت ہوسکتی ہے۔ معروف ناول نگار نورالحسنین نے کتاب ’’سفر ہے شرط ‘‘کو وقت کا تقاضہ قرار دیا اور ادبی سرمائے میں بیش بہا اضافے سے تعبیر کیا۔
